NAVENDA NÛÇEYAN - Rejîma Îranê, ji bo neyên naskirin beton rijand ser gorên xwepêşandêrên ku qetil kirine. 

 

Hêzên rejîma Îranê, bi sedan xwepêşandêrên ku qetil kirine li Goristana Bexçeyên Rezvanê yê li bajarê Reştê defin kir. Hate diyarkirin ku rejîm ji bo nasnameya xwepêşandêran neyê naskirin beton rijandiye ser gorên wan. 

 

Herwiha hate diyarkirin ku bi sedan kesên ku hatine qetilkirin û di heman goristanê de hatine definkirin hêj nasnameyên wan nehatine tespîtkirin û gorên wan bê kêl in. Ji ber betonê li ser gorê hatiye rijandin malbat nikarin gorên zarokên xwe tespît bikin.

 

Hate ravekirin ku piştî çûyîna komên rejîmê hinek malbatan, ji bo gorên zarokên wan winda nebe beriya ku beton ziwa be navên wan li ser goran nivîsandine.