
Ji bo girtiyên nexweş Ruzgar û Boran banga tehliyeyê

2025-06-07 16:36:24


	NAVENDA NÛÇEYAN - Li Stenbol û Enqereyê ji bo girtiyên nexweş ên giran Hasan Ruzgar û Kerîm Boran daxuyanî hatin dayîn û banga tehliyeyê hat kirin.&nbsp;

	Di çalakiyên ji bo serbestberdana girtiyên nexweş ên li Stenbol û Enqereyê de daxwaza tehliyeyê ya girtiyên nexweş Hasan Ruzgar û Kerîm Boran (81) hat kirin.&nbsp;

	&nbsp;

	STENBOL&nbsp;

	&nbsp;

	689'emîn çalakiya 'Çalakiya rûniştinê ya F' ku her hefte ji aliyê Komîsyona Girtîgehan a Şaxa Komeleya Mafên Mirovan (ÎHD) a Stenbolê ve ji bo balê bikişîne ser rewşa girtiyên nexweş li ber avahiya komeleyê ya li Beyogluyê hate lidarxistin. Di çalakiya vê hefteyê de bal hat kişandin ser rewşa tenduristiyê ya girtiyê nexweş û astengdar Hasan Ruzgar ê li Girtîgeha Tîpa F a Edîrneyê tê ragirtin

	&nbsp;

	Berdevka Meclisa Jinê ya Partiya Wekhevî û Demokrasiyê ya Gelan (DEM) Halîde Turkoglû û Parlamentera DEM Partiyê ya Stenbolê Kezban Konukçu jî tevlî çalakiyê bûn.

	&nbsp;

	Di çalakiyê de pankartên "Dermankirin mafek e û nikare bê astengkirin" û "Bila girtiyê nexweş Hasan Ruzgar serbest bê berdan" hatin vekirin û dirûşmên wekî "Bila girtiyên nexweş bên berdan" û "Tecrîd dikuje, hevgirtin dide jiyîn" hatin berzkirin.

	&nbsp;

	Endamê Komîsyona Girtîgehan a ÎHDA'yê Onûr Hîlal diyar kir ku girtiyê bi navê Hasan Ruzgar di heman demê de astengdar e û ji bo jiyana xwe bidomîne pêwîstî bi piştgiriyê heye û wiha axivî: "Bi Sendroma Wernîcke-Korsakoff a ji ber birçîbûna demdirêj bi pêş ket û tevlî bîrdariyeke giran bû, têkoşiya. Kronîk bronşît, astim, giran KOAH, hîpertansiyon, rîtma xirab a dil, fitiqa li pişt û stû, mîgren, mezinbûna prostatê, anemî, nexweşiyên sîstema gerok, osteoartrît di çongê de, pirsgirêkên hevsengiya fîzîkî ya ji ber ampûtasyona pêçiyan, dijwariya rêveçûnê, hesta giraniyê di lingan de, zehmetiya axaftinê, zêdebûna zexta intrakranial û êşa giran a serî, hemoroîd û enfeksiyonên trêna mîzê ye û ji ber êşa ku dikişîne û apneya xewê nikare razê."

	&nbsp;

	Piştre nameya ku Hasan Ruzgar ji girtîgehê şandiye hat xwendin û çalakgeran xwestin Ruzgar demildest serdbest were berdan û tedawî bibe.

	&nbsp;

	ENQERE

	&nbsp;

	Înîsiyatîfa Azadiya Girtiyên Nexweş çalakiya xwe ya hefteya 561'emîn a têkildarî girtiyên nexweş li Kolana Sakaryayê li dar xist. Di daxuyaniya vê hefteyê de bal hat kişandin ser rewşa girtiyê nexweşê giran ê li Girtîgeha Tîpa F a Edîrneyê Kerîm Boran ê 81 salî. Di çalakiyê de pankarta 'Tedawî maf e, nikare were astengkirin' hate danîn, bila girtiyên nexweş serbest bên berdan' hat hilgirtin.

	&nbsp;

	Hevserokê Şaxa ÎHD'ê ya Enqereyê Omer Faruk Yazmaci diyar kir ku rewşa girtiyê nexweşê giran Kerîm Boran roj bi roj xerabtir dibe û xwest demildest serbest bê berdan. Yazmaci da xuyakirin ku rewşa nexweş her nebaş dibe û got, "Di sala 2018'an de hat girtin û li Girtîgeha Tîpa L a Patnosê hat bicihkirin. Piştî çend mehan, li Patnosê di rapora Şaxa Tiba Edlî ya Agiriyê ya bi dîroka 2018'an de hat gotin ku 'Di muayeneya takekesî de meşa hêdî derket holê, hêza masûlkeyan di ling û destan de kêm bû, di ragihandinê de zehmetî, di xebatên rojane de zehmetî, bê alîkarî nekare biçe tuwaletê, ji ber nexweşiya parkinsonê di parastina hevsengiyê de zehmetî dikişand û rewşa nexweşî û pîrbûnê ya domdar hate dîtin. Ji destpêka sala 2021'an û vir ve li Girtîgeha Tîpa F a Edîrneyê tê girtin. Di vir de nexweşiyên wî her ku diçe xirabtir bûne û êdî nikare li xwe miqate be. Di sala 2023'an de ji ber nexweşiya dil emeliyat bûye."

	&nbsp;