Aborîzan Îzettîn Onder, rewşa aboriyê şiband wesayîteke firênteqiyayî û got: "Pereyê ku pê deyn tên dayîn, tenê bi awayekî demborî aboriyê rihet dike, lê belê faîza wê welat dişêlîne."
Çalakiya karkerên Şaredariya Bajarê Mezin a Aydinê ku ji ber endamên sendîkayê bûn ji kat hatin derxistin, 508 roj in didome.
Zekî Îpek ku li navçeya Rêya Armûşê pezê xwe diçêrîne, anî ziman ku zivistan hatiye lê belê ji ber krîza aborî û bihaûna fiyetên kayê hîn jî heywanên xwe nexistine axuran.
Li Şirnexê, li gorî sala çûyî ji sedî 30 bihayê komirê kêm bûye, lê ligel vê jî kes komirê nakire. Esnafan diyar kir ku pereyê komira difiroşin, nikarin bigirin û gotin, ev yek ji ber bêkariyê ye.
Li Konyayê oste Fatîh S. yê ku îşkence li şagirtê xwe yê 16 salî M.A., kir, serbest hat berdan.
Li Tirkiyeyê 3 milyon û 614 hezar sûriyeyî dimînin. Ji vana tenê destûra 31 hezar û 185 kesî heye ku bixebitin. Nivîskarê Rojnameya Evrenselê Ercument Akdenîz, anî ziman ku ji bo karkerên penaber karibin destûra xebatê bigirin, divê 8 salan wekî "koleyên modêrn" bixebitin û serê xwe li ber patrona bitewînin û aktivîsta mafên penaberan Nûrgul Elçîk jî, diyar kir ku nexasim jî penaberên jin wekî "kirdeyeke pasîf" tên dîtin.
Wezîrê Hawirdor û Bajarsaziyê Mûrat Kûrûm daxuyandibû ku wan siyanur qedexe kiriye. Parlementerê HDP'ê Garo Paylan, ji bo vê daxuyaniyê got: "Bi qedexekirina madenekê hûn nikarin pêşî li ber întiharan bigirin. Întiharên heyî wêneyê rastiya krîza aborî nişan dide."
Serokê Lîmter-Îş'ê Kanber Saygili, ji bo mitînga Hêzên Ked, Aştî û Demokrasiyê, banga tevlîbûnê kir û ev tişt got: "Em bi milyonan kedkar, xîzanî, tunebûn û hejariyê qebûl nakin."
Egîtîm Senê li Enqereyê mitînga şermezarkirina butçeyê li dar xist. Seroka Egîtîm Senê Feray Aytekîn Aydogan banga “Butçe ne ji şer re ji perwerdehiyê re” bang li hikumetê kir. Hevserokê KESK’ê Mehmet Bozgeyîk jî got ew ê li dijî polîtîkayên hikumetê li qadan bin.
Osman Çali yê astengdar, bal kişand ser krîza aborî û got: "Kes nikare bi meaşê kêm debara xwe bike, lê ez ê çawa bi meaşê xwe yê astengdariyê 450 lîreyî debara xwe bikim."
Platforma Şaxan a KESK’ê ya Amedê li dijî qeyûm û KHK’iyan daxuyanî da. Serokê TUMBEL-SEN’ê Erdal Bozkurt di daxuyaniyê de got: “Yek armanca qeyûman heye ew jî rantê li AKP’iyan û rêxistinên nêzî xwe belav dikin.”
Li Dersimê palehiya silkê ber bi dawiyê ve diçe. Lê cotkaran got ew ji xêrûbera îsal ne kêfxweş in.
Karkerên înşeatê yên di projeya otelê ya Komeya Şîrketan a Gentes a li Cezayîrê de xebitin û ev 6 mehin meaşê wan nayê dayîn, li ber navenda komê dest bi çalakiyê kirin.
Serokê Odeya Bijîşkên Enqerê Prof. Dr. Vedat Bûlût di civîna çapemeniyê ya derbarê întîxarên zêde bûyîn hat lidarxistin de axivî û got: “Di dema AKP’ê de 47 hezar û 835 kesan întîxar kirin. Pirsgirêka sereke polîtîkayên aboriyê yên desthilatdariyê ne.”
Waniyan anî ziman ku sedema krîza aborî zext û zoriyên li ser kurda û muxalefetê ne û gotin, heta şer bi dawî nebe ne krîz hel dibe jî wê gel rihet bibin.