Li Wanê, ajokarên li nav bajêr rêwiyan dibin û tînin, ji ber krîza aborî nikarin debara xwe bikin. Ajokaran, destnîşan kir ku sedema sereke ya krîzê şer e û got: "Bi perê me operasyon tên lidarxistin. Ji bo ev pirsgirêk ji holê bên rakirin pêdivî bi aştiyê heye."
Cevher Ozdemîr ê bi salan serokatiya Komeleya Piştevahiya Karkeran a betal kirin kir, da zanîn ku di serî de li Tûrgûtlû li Herêma Ege tu pirsgirêkên karkarên çandiyê nayin çareser kirin û got: “Êdî ji sedî 90 jin din çandiniyê de dixebitin. Dinava van de jî herî zêde zarokên keç û kurin.”
Gelek kesên ji bo debara malbata xwe bikin û heqê dibistana xwe derxînin ji warên xwe berê xwe dan Bodrûmê, ji şert û mercên bêewle û giran ên karî nerazî ne. Karkerên, di qawîşên 10-15 kesî de dimînin bilêv kirin ku di cejnê de jî nikarin biçin cem malbatên xwe.
Li herêma çandiniyê Bismilê, cotkar ji ber zemên tên kirin nizanin dê çi bikin. Cotkaran, bi lêv kir ku berê wan bi 15 donima debara xwe dikir, lê belê niha nikarin bi 250 donimî jî debara xwe bikin.
Li Înegolê karker Îsmaîl Albayrak ku piyê xwe kir nav ava valahiya asansorê, bi ceryana qaçax ve zeliqî û jiyana xwe ji dest da.
Serokê Turk-Îş'ê Ergun Atalay diyar kir ku hikûmetê ji bo karkerên cemaweriyê pêşniyara zema ji sedî 5 kiriye û wiha got: "Tu aliyekê vê pêşniyarê yê bi axaftin tuneye. Em ê ya li ser meseyê li hev bikin an jî em ê biçin grevê."
Esnafên Bazara Ûris a Îdirê, destnîşan kir ku berpirsiyarê krîza aborî hikûmet e û gotin, êdî nikarin deynên xwe jî bidin û eger wisa dewam bike ew ê dikanên xwe bigirin.
Karkerên jin ên pelên mêweyan berhev dikin, bal kişandin ser şert û mercên giran ên karî. Kadriye Karaçay, got: "Tiştê bi dest me dikeve ancax têra pêdiviyên me dike. Di çandiniyê de tim ên zêde dixebitin karker in, lê ên qezenc dikin jî hin kesên din in."
Bavê 2 zarokan Mehmet Karataş ê 25 salî ku li Santrala Enerejiyê ya Biyokutle ya Dêrika Mêrdînê kar dikir, dema pûşê garis davêt makîneya hêrandinê, ket nava diranên makînê û jiyana xwe ji dest da.
Esnafên pîşesaziya wesayîtan diyar kirin ku ji ber krîza aborî hindik mane top bavêjin û gotin, êdî nikarin heqê xebatkarên xwe jî bidin.
Meclîsa Ewlehiya Kar û Tenduristiya Karkeran (ÎSÎGM), li ser hesabê medya civakî diyar kir ku karkerê înşaetê Erdogan Aydin ê 42 salî dema karê înşaedê dikir konteynir bi ser wî de ket û jiyana xwe ji dest da.
Profesorê îktîsadê Erînç Yeldan da zanîn ku krîza aborî êdî ne bi rêya zêdekirina bihayan raste rast ji ber bêkariyê, daxwaza kêm, dahata milî ya kêm û ji ber feqîriya zêde dibe pêk tê.
Şaxa SES’ê ya Wanê ji bo endamê xwe Gursel Yamaç ê ji nexweşxaneya Zanîngeha Yuzuncu Yilê hat îxrackirin daxuyanî da û got kesên îmzeya wan di bin biryarê de heye dê hesab bidin darazê.
Meclîsa ÎSÎG’ê rapora meha hezîranê ya cînayetên kar eşkere kir û li gorî raporê hêrî kêm 124 karker jiyana xwe ji dest dan û di 6 mehên salê de jî herî kêm 840 karkeran jiyana xwe ji dest da.
Zarokê 17 salî ku di înşaata Nexweşxaneya Zarok û Zayîna Jinan a Êlihê de dihat xebitandin bi ceryanê ve zeliqî.