Li Rihayê 59 mamosteyên endamên Egîtîm Senê bi KHK'ê hatin îxrackirin. Tenê 3 mamoste li karê wan vegerandin. Hevseroka Şaxa Egîtim Senê ya Rihayê Leyla Mumîn têkildarî mijarê axivî û got: "Divê Komîsyona Lêpirsîna ya OHAL'ê bê betalkirin."
Karkerên Greifê yên piştî 4 salan ji nûve tên darizandin, piştî danişînê daxuyanî dan. Karkeran diyar kirin ku êrîşa li dijî karkeran ne tesadufî ye û wiha gotin: “Sermaye û hikûmeta AKP'ê ji bo civakê çavtirsandî bike hewl dide rê li pêş Greifê bigirin.
Esnafên li Bazara Kayê ya Îdirê, destnîşan kirin ku ji ber krîza aborî rewşa karê wan nebaş e. Esnafan, anî ziman ku êdî bi xweşikî kes nayê bazarê.
Li Enqerê, karkerên 6 mehan xebitin û perê wan nehat dayîn, ên dest ji kar berdan, ji bo perê xwe bigirin çûn hevdîtinê bi rayedarên firmaya înşaetê re bikin, hatin derpkirin. 3 karkerên birîndar bûn, li nexweşxanê tên dermankirin.
Di hezana li qada kulandina înşaetekê ya Kirikhanê de, zarokê binavê Selamî Gurbuz ê li wir kar dikir, dibin hezanê de ma û birîndar bû.
Rêveberên saziyên girêdayî KESK’ê li gelek bajaran bi daxwaza bila Komîsyona Lêkolîna OHAL’ê betalkirin û pêvajoya hiqûqî bê destpêkirin ji Serokomar Erdogan re faks şandin.
Alîkarê Hevserokatiya HDP'ê Gunay Kubîlay bal kişande ser bernameya 100 rojî ya AKP'ê û got: ''Desthilatdarî ev 5 hezar û 850 roj in xwîna gel dimije''. Kubîlay got krîz girantir dibe û domand: ''Gel di sindoqê de wê bersivê bide''.
Esnafên Bazara Genim a Wêranşarê ku bazara herî mezin a genim a herêmê ye, hindik mane top bavêjin. Esnafên bazarê gotin li gor sala par karê wan ji sedî 80 kêm bûye û ger krîza aborî neyê çareserkirin ew ê top bavêjin.
Necmettîn Elîk ku havînan ji darên biyan selikan çêdike, bi vî karî debara malbata xwe dike.
Karkerên dî îşaeta navenda karekê de dixebitîn, ji ber ku meaşê wan ê 3 mehan nehat dayîn derketin ser ban û dest bi çalakiyê kirin.
Karkerên li ser hevpeymana karê komî ya fabrîqeya Kankeriya Mînarel AMCOL a Enez li hev nekirin, dest bi grevê kirin.
Meclîsa Ewlehiya Tenduristiya Karker û Kar (ÎSÎG) rapora meha cotmehê aşkere kir û ragihand ku herî kêm 177 karkeran jiyana xwe ji dest da ye.
Li gorî daneyên TUÎK'ê yên cotmehê enflasyon ji sedî 25,24 zêde bû û ji 2003'an heta niha di nava 15 salên dawî de derket asta herî jor.
Seroka ÎTO Dr. Pinar Saip, bal kişand zer pêşnûmeya ku li meclîsê tê niqaşkirin û wiha got: "Pêşnûmeya Qanûnê ya Di Tenduristiyê de Tundî" ku wekî "Pêşnûmeya Qanûna Tundiyê ya Nû" anîn pêşberî me, tu daxwaz û pirsgirêkan çareser nake. Ji ber vê yekê tu wateya vê pêşnûmeyê tune ye.
Odeya Bijişkên Êlihê û Şaxa SES’ê a Êlihê derbarê “qanûna tundiya di tenduristiyê de” daxuyaniyek hevpar dan û gotin: “Desthilatdar hewl dide bi qanûna tundiya di tenduristiyê de” raya giştî bixapîne. Ji bo ku pêşnûme neyê qebûl kirin, emê li her derê xwe bi rêxistin bikin.”