Kedkarên ji bo pîrozkirina 1’ê Gulanê daketin qadan, anîn ziman ku budçe ji şer re tê xerckirin û ev bang kirin: “Divê gelên me ji bo çareseriya pirsgirêka kurd, têkoşînê mezin bikin.”
Hevserokê Giştî yê DBP’ê Keskîn Bayindir ê di mitînga 1’ê Gulanê ya li Wanê de axivî, anî ziman ku divê li dijî zilma desthilatê gel bibin yek. Hevseroka Giştî ya DEM Partiyê Tulay Hatîmogûllari jî destnîşan kir ku bi çareseriya demokratîk a pirsgirêka kurd dê para karker zêde bibe.
Hevserokê Giştî yê KESK’ê Ahmet Karagoz ê di Mitînga Herêmî ya 1’ê Gulanê ku bi dirûşmeya “Ked ya me ye gotin ya me ye” li Wanê hate lidarxistin de axivî, wiha got: “Li dijî neçareserkirina pirsgirêka kurd û pêkanînên dijmirovî yên li girtîgehan ji bo budçeya ji şer re tê xerckirin ji gel re were veqetandin em li van qadan e.”
Hezaran kes ji bo derbasî Taksîmê bibin, li Saraçhaneyê kom bûn. Karker li dijî êrişa polîsan li ber xwe didin.
Karker û kedkarên li kolanên Okmeydaniyê hatin gel hev, bi dirûşma “Qada Taksîmê Qada 1’ê Gulanê” ber bi Qada Taksîmê ve dimeşin.
Karker ji bo derbasî Qada Taksîmê bibin, li Parka Saraçhaneyê kom dibin.
Bihayê şitlên darên fêkiyan li gor par ji sedî 50'î biha bûn. Şitilfiroşan gotin ku ji ber bihabûnê firotina daran jî kêm bûye.
Rêyên ku diçin Qada Taksîmê di saetên serê sibê de hatin girtin. Karker, xwe amade dikin ku tevî qedexeyan jî bikevin qadê.
Di daxuyanyên li Wan, Stenbol û Edeneyê de bangawaziya tev li bûna 1'ê Gulanê hate kirin û wiha hat gotin: "Sibê roja xurtkirina rêxistinbûna me ye."
Nûnerên partiyên sosyalîst li dijî qedexekirina Qada Taksîmê ji pîrozbahiya 1’ê Gulanê re gotin: “Di her şertê de 1’ê Gulanê Taksîm e” û banga yekitiya li qadan kirin.
Nûnerên sendîkayan diyar kirin ku dê di 1’ê Gulanê de li Parka Mûsa Anter a Wanê daxwazên xwe biqîrin û banga tevlibûna li her kesî kirin.
Amadekariyên mitîngên 1'ê Gulanê yên li Êlih û Dîlokê bi dawî bûn. Nûnerên sendîkayan ji bo “jiyana demokratîk û wekhev” banga tevlibûnê li hemû derdoran kirin.
Hevşaredara Agiriyê Hazal Aras da zanîn ku Banka Îllerê hesaba wan a ku 7 milyon TL tê de hebûn bloqe kiriye û makîneya kar a bipalet a ji hêla Îdareya Taybet a Bajar ve hatibû dayîn jî paşve hatiye standin.
Li gelek bajaran bang hate kirin ku li dijî xespa mafan, wekhevî û azadiyê li qadên 1’ê Gulanê kom bibin.
Komîsyona Kedê ya DEM Partiyê diyar kir ku weke karker, kedkar û jin dê di 1’ê Gulanê de li Taksîmê bin û ev bang kir: “Em biryara qedexeyê ku Waliyê Stenbolê daye nas nakin. Em 1’ê Gulanê li Taksîmê pîroz bikin.”