Pirtûka "Rengê Mor ê Siyasetê" ya Hevşaredara Bajarê Mezin a Amedê Gultan Kişanak a qeyûm tayînê cihê wê hat kirin, di girtîgehê de nivîsandibû li Wanê ji aliyê jinan ve hat îmzekirin.
Li Edeneyê, dengbêj her hefte dibin mêvanên malekê û bi dirûşmeya "Serê malê kilamek" hewl didin çanda dengbêjiyê bidomînin.
Yekem kovara muzîkê ya xwerû bi kurdî, tevahiya wê rengîn û li ser kaxeza kûşe Ziryabê dest bi weşanê kir.
Gundê Pekran ê Dîgora Qersê ku 50 kîlometre dûr sînorê Ermenîstanê ye, di wesfa çîroka sînorê çêker ê di navbera herdu gelan de ye. Kurdên piştî ermenî hatin koçberkirin li gund bi cih bûn dibêjin "Hîn jî em di bin banê dijîn" û li bendê wê rojê ne ku sînor bê vekirin.
Piştî Sînemaya Yilmaz Guney hat rûxandin, li Êlihê vê carê bi navê Kolektîfa Sînemaya Nû sînemayeke alternatîf hat avakirin. Wê kolektîf di navbera 9-11'ê Mijdarê de rojên sînemayê li dar bixe û wê di tevahiya salê de fîlmên alternatîf nîşan bide.
Baroya Amedê dê "Pêşengeya wêneyan a Mafên Mirovan a Tahîr Elçî" ku wêneyên mafên mirovan û azadiyê vedibêje veke. Baroyê ji bo pêşengehê bang li hemû wênekeşên amator û profesyonel kir.
Lîstika “Mîrzayê Biçûk” a ji aliyê Şa Performansê ve hat amadekirin piştî promiyera li Stenbolê, li Êlihê derket pêşberî şanohezan.
Parêzer Muharrem Erbey, çîroka Serokê Baroya Amedê Tahîr Elçî yê li Navçeya Sûrê ya Amedê li ber Mînareya Çarling hat kuştin nivîsand. Erbey bi navê "Çîroka Tahîr Elçî" pirtûk çap kir û dê di Fuara Pirtukan a 10'ê Mijdarê de li Stenbolê bigêje ber destê xwînerên xwe.
Fîlmê ku jiyana jinên kurd tîne ziman Les Filles du Soleil (Keçên Rojê), di çarçoveya Mihrîcana Filmên Cenevre ya Navneteweyî de li Cenevre hat pêşandan. Temaşevanên fîlm, piştî pêşandanê li salonê dirûşmeyên “Jin jiyan azadî” berz kirin.
Fîlmê kurt "Gerçek" ku behsa rojnamevanên li pêyî rastiyê ne û tiştên bi wan re rû bi rû dimînin dike, hat pêşandan. Derhênerê fîlm Oktay Aslan got: "Ew lehengên nepen ên vî welatî ne."
Dengbêj Remezanê Hênê famberî xwe bûye nebûye bi sewta xwe ya xweş karê stranbêjî û kilambêjiyê dike û cihek nemaye ku lê negeriyaye. Dengbêj Remezan got enstrûman, muzîk û alavên modern çanda wan a dîrokî xelas kiriye û ew hêj bi çanda popûler-modern re têdikoşin.
Nivîskarê kurd Adil Başaran pirtûka xwe ya nû “Li Xiararê Tofan Rabû” ji xwînerên xwe re îmze kir.
Endamê Koma Amed Bîrkan Çelîk, destnîşan kir ku di serdemên çewisîner de kurd herî zêde bi muzîka xwe bersiva zext û zoriyan didin û divê di serdemên wisa de berhemên ku ji bo gel bibin cihê hêviyê bên afirandin.
Nivîskar-helbestvan Rênas Jiyan pirtûkek din li pirtûkxaneyan zêde kir. Pirtûk ango romana bi navê “Stranên Sor Niviştên Mor” a Jiyan hat çapkirin.
Hunermenda fransî Eleonore Fourniau, bi gelek zimanan distrê û tesîr ji dengbêj Şakiro û Mihemed Arifê Cizrawî girtiye û bi kurdî jî distrê, bi deng û muzîka xwe balê dikişîne.