Hevberdevka Komîsyona Ekolojiyê ya HDP’ê Menekşe Kizildere, anî ziman ku di serdemeke germa hewayê û krîza avhewayê bandoreke neyînî li Kurdistan û Tirkiyeyê dike de xweza tê talankirin.
Ji Zarokên Xwezayê Beyda Ceylan got ku şewatên li Çiyayê Cûdî tên rewakirin û wiha got: “Qirkirina li Akbelenê jî bi hevkariya sermayeyê tê kirin. Tekane çareseriya li dijî rûxandina ekolojîk, sosyalîzma ekolojîk e.”
Pêla germahiyê ya li Kurdistanê dê bi qasî 6 heta 10 pileyan derkeve ser germahiya asayî ya demsalan. Tê payîn ku germahiya li Amedê derkeve ser pileya 44'an.
Şîrketên ku li Akbelen û Çiyayên Kazê bi dehhezaran dar birîn, heta niha li dehan deverên Tirkiye û Kurdistanê bûn sedema talana ekolojiyê.
Rêxistinên girseyî yên demokratîk li dijî tunekirina daristan û zeytûngehên Akbelen û Dîkmeceyê hatin ba hev û wiha gotin: “Em ê xwedî li daristanên xwe derkevin. Banga me ew e ku hemû projeyên ziyanê didin xwezayê bên betalkirin.”
Ji Polen Ekolojiyê Meltem Îlayda Eroglû diyar kir ku bi xebatên lêgerîna maden re xetere li ser Çemê Munzurê û Hewzeya Firatê çêbûye. Eroglû, got ku divê têkoşîna ekolojîk a li dijî vê rewşê bê birêxistinkirin.
Komîsyona Ekolojiyê ya Şaxa ÎHD’a Enqereyê hate avakirin. Komîsyonê da zanîn ku armanca wan ew e ku li dijî rûxandina ekolojiyê, bi perspektîfeke hevpar têbikoşin.
Endamê Lijneya Rêveberiya MALÇEP’ê Hasan Kaya diyar kir ku qirkirina ekolojîk encama polîtîkayên şer e û wiha got: “Divê em weke gelên ji qirkirina xwezayê zirar dibînin bên bahev. Ev şerekî li dijî civakê ye.”
Şewata li daristanên Merîwanê derketî berdewam e û 5 kesên dixwestin agirî vemirînin hatin binçavkirin.
Jinên ku ji bo qadên jiyanê yên ji Îkîzdere heta Îkîzkoyê li dijî talanê li ber xwe didin, diyar kirin ku ew ê dest jê bernedin û têkoşîna ekolojiyê bidomînin.
Şandeya ekolojîstan ku xwest birîna daran û şewata daristanan a li Cûdî lêkolîn bike hat astengkirin. Şandeyê bi daxuyaniyekê bertek nîşanî astenkirinê da.
Ekolojîstan, destnîşan kirin ku heke li dijî birîna daran û şewatên daristanan ên li gelek bajaran didomin, hemû beşên civakê bêjin ‘bisekine’ dê encam bê girtin.
Talankirina daran a cerdevanan a li gundê Sorbitnê yê li quntara Çiyayê Cûdî didome. Îlyas Yagan ê 70 salî, anî ziman ku qedexeyên ji salên 90’î hatine destpêkirin û li gundê wan bi awayekî fiîlî tê meşandin.
Leşkeran bi gaza îsotê, cop û mertalan êrişî aktîvîstên li Daristana Akbelenê nobetê digirin kirin. Di êrişê de kesek hate binçavkirin.
Endamên Tevgera Ekolojiyê yên Mezopotamyayê bertek nîşanî talankirina xwezaya Kurdistan û Tirkiyeyê dan û wiha gotin: “Heke em weke xwezaparêz dest bidin hev, dikarin pêşî li qirkirina xwezayê bigirin."