Şaredarê Esenyurtê Ahmet Ozer, di çarçoveya doza “Lihevkirina Bajar” de bi îdiaya “endamtiya rêxistinê” tê darizandin. Di danişîna dozê de parêzeran ji bo parastinê dem xwest û danişîn hat taloqkirin.
Karsaz Osman Kavala ku 8 sal in di girtîgehê de, bi daxuyaniyekê nivîskî xwst ku Tirkiye rêzê ji bo mafên mirovan û rêgezên hiqûqa bingehîn bigire.
Girtiyên li Girtîgeha Tîpa T a Şirnexê bi hinceta ku pêkirina şimikê ya bi darê zorê qebûl nekirine, ev saleke sewqî nexweşxaneyê nayên kirin.
Şandeya Îmraliyê ya DEM Partiyê ji bo hevdîtina bi Rêberê Gelê Kurd Abdullah Ocalan re çû Girava Îmraliyê.
Mehmet Edîp Taşar ku ji ber nexweşiya xwe rakirin nexweşxaneyê, jê re gotin “baş bûye” û şandin girtîgehê. Taşar ku 18 caran anjiyo bûye û 8 stend pêve hatine kirin, li girtîgehê rweşa wî giran bû û rakirin revîrê.
Sekreterê Lijneya Koordînasyona Bajar a Amedê ya TMMOB’ê Mahsun Çiya Korkmaz, diyar kir ku ji sedî 90’ê avahiyên li navçeya Rezanê xetere ne. Cîgirê Hevşaredarên Rezanê Reşat Yuce jî got ku ji bo parastina avadaniya civakî-çandî, divê vesazkirina bajar a cihî ji bo navçeyê guncavtir e.
Cevat Yerdegul ku 32 salan di girtîgehê de mabû, diyar kir ku pirsgirêk bi muxatabên wê re çareser dibe û muxatabê pirsgirêka Kurd jî Abdullah Ocalan e. Yerdegul, got: “Ji bo pêvajo pêş bikeve, hewcehî bi avêtina gavên şênber heye.”
Hevserokê PYD’ê Xerîb Hiso, diyar kir ku nîqaşa li ser çekberdana HSD’ê zextekî derve ye û got: “Ji ber vê zextê jî hevdîtin disekinin û dema ev mijar ji holê radibe jî hevdîtin zêde dibin.”
Hevberdevkê Komîsyona Rêxistinkirinê yê DBP’ê Huseyîn Bîrlîk, anî ziman ku ji bo pêvajo pêş bikeve hewceye şert û mercên Abdullah Ocalan bên başkirin û got: “Hêj jî komîsyonê pê re hevdîtin nekiriye. Heta hûn bi muxatabê esasî re hevdîtinê nekin dê pirsgirêk çawa çareser bibe?”
Rojnameya Xwebûne di hejmara xwe ya 307’an de bi manşeta “Pêvînayîş avzel o” derket.
Tayîp Temel ê DEM Partiyî diyar kir ku îktîdar pêşiya civakîbûna Pêvajoya Aştî û Civaka Demokratîk digire û got: “Îktîdar hewl dide CHP’ê li ser maseyê rake û ev jî pêşî li civakîbûna pêvajoyê digire.”
Hevberdevka Însiyatîfa Yekitiya Demokratîk Gulcan Kaçmaz Sayyîgît, di civîna danasînê ya li Antalyayê de qala armancên însiyatîfê kir û got: “Em ji bo avakirina yekitiya neteweyî, demokrasî û xurtkirina aştiyê ketin rê. Sedsaleke din a ku Kurd winda bikin tune ye.”
Parlamenterê Partiya Wekhevî û Demokrasiyê ya Gelan (DEM Partî) ê Rihayê, hevdîtina xwe yar herî dawî ya bi Abdullah Ocalan re, ragihand ku Abdullah Ocalan gotiye: “Ez li vir dixebitim. Bi şev û roj ez dixebitim. Derfetên we zêde ne, saziyên we hene divê hûn civakê bi rêxistin bikin. Divê hûn erka xwe bi cih bînin.”
Tuncer Bakirhan got: “Aştî ne diyariyek e, pêvajoya avakirinê ye. Berpirsiyariya herî mezin dikeve ser rêveberiyên me yên herêmî.”