Berdevka DEM Partiyê Ayşegul Dogan di çalakiya protestokirina qeyûm a li Wanê de axivî û wiha got: “Qeyûm dê nekarin hêvî û baweriya gel bişikînin. Divê hemû gelên Tirkiyeyê peyama gelê Wanê baş fêm bikin.”
Girseya ku Hevserokên Giştî yên DEM Partiyê jî di nav de bûn, piştî daxuyaniya li dijî tayînkirina qeyûman, ber bi Meclisê ve meş li dar xistin.
Mesrûr Barzanî piştî hevdîtina bi Şandeya Îmraliyê ya DEM Partiyê re daxuyanî da û got ku weke rêveberiya herêmê amade ne ku ji bo şer bi dawî bibe piştgiriyê bidin.
ÎHD’ê bertek nîşanî operasyona binçavkirinê ya li dijî HDK’ê da û got: “Ev operasyon ji bo bêzarkirina gel tê kirin. Dê têkoşîna me ya li dijî van êrişan bidome.”
Danişîna doza 69 kesên ji ber tev li bîranîna Komkujiya 10’ê Cotmehê bûne tên darizandin, ji bo amadekirina mutalaayê hate taloqkirin.
Dewleta tirk û koma wê ya paramîlîter SMO’yê gundên Til Temir û Sirînê bombebaran kirin.
Dewlet tirk bi balafirên şer gundên Amediyeyê û Herêma Metînayê bombebara kir.
Hevseroka Giştî ya DEM Partiyê Tulay Hatîmogûllari di çalakiya nobetê ya li dijî qeyûm li Enqereyê hatiye destpêkirin de axivî û got: “Qeyûmê di 15’ê Sibatê de tayînî Şaredariya Wanê hatiye kirin, bersiva diyalogê ye.” Tuncer Bakirhan jî bang li îktîdarê kir ku dev ji zîhniyeta xwe ya tayînkirina qeyûm berde û ji bo çareseriyê nexşerêyekê pêşkeş bike.
Serokwekîlê Koma DEM Partiyê Sezaî Temellî bertek nîşanî tayînkirina qeyûman û tundiya polîsan a di çalakiyan de kir û ji bo pêşniyarqanûna bi daxwaza pêşîlêgirtina tayînkirina qeyûman digire bibe qanûn banga berpirsyartiyê li Serokê Meclisê Nûman Kurtulmuş kir.
Qeyûmê li Şaredariya Bajarê Mezin a Wanê hatiye tayînkirin, tevahiya konteynirên çopê yên li bajar kom kir û kir xurde. Şaredariyên DEM Partiyî dan zanîn ku rê li ber zirareke biqasî 13 milyon lîreyan hatiye vekirin.
Endamên HDK’ê bertek nîşanî binçavkirinan dan û diyar kirin ku ev êrîş li dijî hemû muxalîfan e û gotin ku dê çalakiyên bêîtîatiya sîvîl bidomînin, li hemberî hewldanên krîmînalîzekirinê bêdeng nemînin.
DEM Partiyê ragihand ku hevdîtinên Şandeya Îmraliyê yên li Herêma Federe ya Kurdistanê bi dawî bûn û şande dê îro vegere.
Der heqê girtiyên li Girtîgeha Rihayê tên ragirtin û li nezareta nexweşxaneyê di dema muayeneyê de kelemçekirina destan red kirin de lêpirsîna disiplînê hate destpêkirin.
Hevdîtina di navbera Şandeya Îmraliyê ya DEM Partiyê û Serokwezîrê Herêma Federe ya Kurdistanê Mesrûr Barzanî de bi dawî bû.
Rojnameger Reyhan Hacioglu di Girtîgeha Wanê de tê girtin û têkildarî îşkenceya ku li Belma Nergîz a li heman girtîgehê dimîne hatiye kirin ji rojnameger Huseyîn Aykol re name şand û 2 rûpelên nameya wê hatiye reşkirin. Ligel astengiyan Hacioglu îşkenceya ku li Nergîz hatiye kirin ji raya giştî re ragihand.