Dikana Piştgiriya Jinan a Hêvî ya Şaredariya Silopiyayê xwe gihand 2 hezar malbatên hewcedar. Ceylan Denîzê ji bo hîn bêtir bigihîjin malbatan banga "alîkariya ji bo dikanê" kir.
Dewleta tirk li navçeya Ranyayê ya Silêmaniyeyê wesayîtek bombebaran kir. Li gorî agahiyan, 3 welatiyên sivîl ên di wesayîtê de hatin qetilkirin.
Bi daxwaza naskirina statuya Bakur û Rojhilatê Sûriyeyê li navçeya Depê daxuyanî hate dayin.
Platforma Parastina Bajar û Piştevaniyê ya Amedê bernameya xwe ya hevdîtinên li Enqereyê diyar kir.
DFG û MKG ji bo balê bikişînin ser zextên ser rojnamegeran ku roj bi roj zêdetir dibin, dê li Amedê daxuyaniyê bidin.
Navenda Ragihandina HSD’ê ragihand ku di encama çalakiyên hêzên wan de li gundewarên Minbicê de 8 endamên komên paramîlîter hatine kuştin.
Dewleta tirk bi balafirên şer êrişî gundên Dihokê kir. Di êrişê de 2 welatî hatin qetilkirin.
Serokwekîla Koma DEM Partiyê Gulistan Kiliç Koçyîgît, diyar kir ku ji bo têkildarî çareseriya pirsgirêka Kurd çarçoveyeke qanûnî çêbibe divê Meclis tavilê înîsiyatîfê li xwe bigire.
Bi hinceta demborînê Doza Sereke ya JÎTEM’ê hate betalkirin.
Platforma Parastina Bajar û Piştevaniyê ya Amedê dê bi rojeva çareseriya pirsgirêka Kurd li Enqereyê bi Serokê Meclisê û partiyên siyasî re hevdîtinan bike.
Rojnamegera Eylem Babayîgt ku bi îdiaya “endamtiya rêxistinê” hatibû girtin, banga piştevaniyê kir û got: “Kedkarên Çapemeniya Azad li hundir jî dê binivîsin. Hûn jî bibin dengê derve.”
Hevserokê Giştî yê ESP’ê Mûrat Çepnî diyar kir ku bi girtin û binçavkirina siyasetmedaran re hewl didin xebatên wan krîmînalîze bikin û got: “Biryarên pir ji zû ve hatibûn dayin, xwendin.”
Hevşaredarê Sêrtê Mehmet Kaysî diyar kir ku ew ê Navenda Çandê ya Mîr Elî Bedirxan ku di serdema qeyûm de hatibû hilweşandin, dîsa vekin û got: “Em ê projeyên xwe yên veguhestin, mala şînê û parkan jî di zûtirin demê de pêk bînin.”
Siyasetmedarên Sêrtê gotin ku ji bo encamek ji nîqaşên têkildarî çareseriya pirsgirêka Kurd derkevin, divê îktîdara AKP’ê gavên şênber biavêje û hewceye Abdullah Ocalan jî ji hela fîzîkî ve azad be.