Lijneya Koordînasyona Bajar a TMMOB’ê ya Rihayê çû serdana nobeta li dijî qeyûm li Xelfetiyê hatiye destpêkirin û got: “Em ê her tim li cem demokrasiyê, azadiyan û xwik-biratiyê cih bigirin.”
Rêxistinên civaka sivîl, sendîka û rêxistinên pîşeyî bi boneya Hefteya Mafên Mirovan li Wanê hatin gel hev û gotin ku ji bo çareseriya pirsgirêkên piralî divê pirsgirêka kurd were çareserkirin.
Di çalakiya Xizmên Windakiriyan û ÎHD’ê yên Amed, Êlihê û Îzmîrê de aqûbeta Ender Togcu, Nazim Gulmez û Hasan Taşkaya hate pirsîn. Li Colemêrgê jî hat xwestin ku faîlên Hasan Ateş ê di îşkenceyê de hatibû qetilkirin bên darizandin.
Dayikên Şemiyê di çalakiya vê hefteyê de aqûbeta Huseyîn Taşkaya pirsîn ku 31 sal berê li Sêweregê ji hêla leşkeran ve hatibû binçavkirin û ji wê rojê ve agahî jê nayên girtin. Dayikên Şêmiyê xwestin faîl bên cezakirin.
Platforma Piştevaniya Edaletê damezirandina xwe ragihand û got: “Em li bendê ne ku her kes tev li Piştevaniya Edaletê bibe. Deriyên me her tim ji her kesên ji bo mafan têdikoşin vekirî ye. Werin em bi hev re piştevaniyê mezin bikin û daxwazên xwe xurttir bidin bihîstin.”
Jinên ku li Dêrsimê li dijî qeyûman meş li dar xistin, ev peyam dan: “Em ê serî netewînin.”
Xwendekarê dibistana amadehî D.A. bi hinceta tevlibûna çalakiyên protestokirina qeyûm ên li Dêrsimê, hate girtin.
Li Colemêrgê gelek rêveberên AKP’î û xizmên wan li hotêla li Navenda Liyanê ya Mêrga Bûtanê girtin kar.
Parêzer Aydin Ozdemîr têkildarî mutalaya doza Narîn Guran axivî û diyar kir ku di rewşa heyî de piraniya rastiya madî ya dozê derketiye holê. Ozdemîr got ku ji bo kesên Narîn qetilkirin cezayê xwe bikeşînin dê heya dawiyê hewldanên xwe bidomînin.
Li gorî agahiyên destpêkê, di rêzeqezaya li Bedlisê de ku 23 wesayîtan qeza kir, 31 welatî birîndar bûn.
Meclisa Leşkerî ya Minbicê ragihand ku hêzên wan hewldana dewleta tirk û komên paramîlîter a ketina gundê Til Eswedê ya Minbicê hatiye şikandin.
Girtiyên li Girtîgeha bi Ewlekariya Bilind a Sulucayê tên ragirtin diyar kirin ku lêgerîna nava dev li wan tê ferzkirin, aktîvîteyên wan ên civakî tên astengkirin û destûr nayê dayin ku di navbera xwe de bi kurdî biaxivin.
Rojnameger-nivîskar Yûsûf Karadaş diyar kir ku êrişa HTŞ’ê ya li hemberî Helebê, encama plana DYA-Îsraîlê ya jinûve dîzaynkirina herêmê ye û wiha got: “Rejîma Erdogan a bi HTŞ û SMO’yê re derketî rê, bi xetereyên mezin re rû bi rû ye.”
Mamoste Sîbel Suna ku ji ber protestokirina tayînkirina qeyûm ji peywirê hate dûrxistin diyar kir ku ew poşman nîne û wiha got: “Ji ber ku tişta di dema qeyûm de hatiye kirin zilm bû, ez nikarim piştgiriyê bidim wê zilmê.”
Emîn Newroz Korkmaz ê li Girtîgeha bi Ewlekariya Bilind a Antalyayê tê ragirtin, sewqî Nexweşxaneya Diranan a Kepezê hate kirin. Li nexweşxaneyê li Korkmaz hate ferzkirin ku dê di dema tedawiyê de destên wî kelemçekirî bin. Korkmaz ê li dijî vê derketî ji hêla leşkeran ve hate derbkirin.