Malbatên girtiyan di çalakiyên “Deng bide azadiyê” yên li Amed û Mêrdînê de bertek nîşanî tecrîda li ser Rêberê PKK’ê Abdullah Ocalan dan û daxwaza azadiya wî ya fizîkî kirin.
N.B. ê di çarçoveya lêpirsîna Narîn Guran de hatiye binçavkirin diyar kir ku wî û apê Narînê cenaze bi hev re xistine kîs û biriye devê çem daniye, veşartiye.
Endamên ESP’ê û SKM’ê kuştina Narîn Guranê bi “tûrikî” şermezar kir û wiha got: “We pergaleke ku nikare zarokekê bide jiyîn li vî tûrikî bi cih kir.”
Parlamenterê DEM Partiyê Omer Ocalan ê di kongreya partiyê ya Serêkaniyê de axivî, wiha got: “Em ê xwedî li zimanê xwe jî li Serokê xwe jî derkevin.”
Hevseroka Giştî ya DEM Partiyê Tulay Hatîmogûllari anî ziman ku ew di têkoşîna li dijî birçîtî û xizaniyê de biisrar in û got: “Ji bo edalet, nan û aştiyê em ê heta dawiyê têbikoşin.”
Komeleyên ku xebatên zimanê kurdî dikin û Egîtîm Sen li gelek bajaran daxuyanî dan û daxwaza perwerdehiya bi zimanê zikmakî kirin û xwestin zimanê kurdî li her qada jiyanê bibe zimanê fermî.
Di girteka dozgeriyê ya der barê otopsiya Narîn Guran de amade kiriye de wiha hatiye gotin: “Birîna amûrên birînê û sîlehê di laşê wê de nebûye, nûveya xwîna hundir nehatiye bidestixstin.”
Emîne Şenyaşar a têkoşîna edaletê didomîne, xwest ku kurê wê yê girtî Fadil Şenyaşar were berdan.
Baroya Amedê hewlda ku cenazeyê Narîn Guranê ji bilî gundê lê hatî qetilkirin were veşartin lê vê hewldanê encam negirt.
Balafirên şer ên dewleta tirk gundên Binarê Qendîlê bombebaran kirin.
Suna Kepolu û kesên pê re di merasîma definkirina cenazeyê Narîn Guranê de wêneyê komî kişandin.
Cenazeyê Narîn Guran li taxa Çuliyê ku lê hatibû qetilkirin hate definkirin.
Wezareta Parastinê ragihand ku di şerê li Garê de serpel Omer Fatîh Ayar hatiye kuştin.
Sekreterê Giştî yê Egîtîm Senê Zulkuf Guneş diyar kir ku dê di serdema nû ya perwerde û fêrkirinê de ji bo perwerdeya bi zimanê dayikê israra xwe bidomînin û wiha got: “Nabe ku hûn zimanê dayikê yê gel weke zimanê hilbijarî bidin vî gelî.”
Serlêdanên ji bo 31’emîn Xelatên Rojnamegeriyê yên Mûsa Anter û Şehîdên Çapemeniya Azad ku ji hêla rojnameya Yenî Yaşamê ve tê lidarxistin, sibê bi dawî dibin.