Li Bakur û Rojhilatê Sûriyeyê sala xwendinê ya 2024-2025’an dest pê kir. Hevseroka Komîteya Perwerde û Fêrkirinê Semîra Hac Elî da zanîn ku 900 hezar zarok bi zimanê xwe yê zikmakî perwerdeyê dibînin û got ku armanc bi perwerdeyê avakirina civakeke exlaqî û siyasî ye.
Şevket Acar ê li ARSÎSA’yê perwerdeya bi kurdî dide anî ziman ku divê polîtîkayên asîmîlasyonê werin dawîkirin û pergalekî ku gel di zimanên xwe de perwerdeyê bibînin, divê were sepandin.
Dayika Cemîle Çagirga ya di dema qedexeya derketina derve ya Cizîrê de hat qetilkirin û cenazeyê wê di sarincê de hat ragirtin, Emîne Çagirga bertek nîşan da ku hê jî kujer nehatine dîtin û got: "Hezar sal jî derbas bibe em wê sarincê ji bîr nakin."
Mehmet Kanit ê ku piştî 30 salan hat berdan, li Silopiyayê bi meşaleyan hat pêşwazîkirin.
Hewldana Edeletê ya li Dijî Tecrîdê daxuyaniyek da û li dijî binpêkirinên mafan yên li ser Rêberê PKK’ê Abdullah Ocalan û binpêkirinên mafan banga "Em ji nûve Tirkiyeyê vexwendiyê edeletê dikin" kirin.
Endamên Şaxa OHD’a Stenbolê di şexsê rojnameger Gulistan Tara û Hêro Bahadîn de ji bo piştevaniyê çûn serdana xebatkarên Çapemeniya Azad.
Qeymeqamê Çiwarteyê Osman Enver da zanîn ku her 3 kesên li Şarbajêrê di êrişa bi SÎHA’yan a dewleta tirk de hatine qetilkirin sivîl in.
Tirkiye û hêzên paramîlîter ên girêdayî wê li Efrînê 3 welatî revandin.
Şînên endamên HPG’ê Serhat Guzel û Bariş Kartal ku li Qilebanê jiyana xwe ji dest dabûn, bi girseyî hatin ziyaretkirin.
Parlamenterê CHP’ê Okan Konûralp, serdana Emîne Şenyaşar a Nobeta xwe ya Edaletê li Meclisê didomîne kir û anî ziman ku li cem Şenyaşarê ne.
Spectrum Houseyê rapora xwe ya têkildarî meyla hilbijêrên kurd eşkere kir. Di raporê de performansa DEM Partiyê ya piştî hilbijartinê serkeftî hate nirxandin û piraniya hilbijêran daxwaza pêşhilbijartinê kir.
Danişîna doza ku rojnamevan Osman Akin û Veysî Sarisozen bi îdiaya “rêze propagandaya rêxistinê” tên darizandin hate taloqkirin.
Dewleta tirk li bajarokê Çiwarta yê girêdayî navçeya Şarbajêr a Silêmaniyê bi SÎHA’yê wesayîtek hedef girt û 3 kes qetil kirin.
Welatiyên di êrişa SÎHA’yê ya Tirkiyeyê de hatine qetilkirin li Silêmaniyeyê bi merasîmekî girseyî hatin veşartin. Di merasîma canezayê de wiha hat gotin: “Li dijî êrişên bi vî rengî bêdengî sûc e û ji hevkariyê bêhtir kêrî tiştekî nayê.”