Mehmet Begît ê piştî weke Hevşaredarê Bêrecûkê hate hilbijartin piştî demekî kurt ji DEM Partiyê îstîfa kir, di civîna ewil a Meclisa Şaredariya Bajarê Mezin a Rihayê de hate şermezarkirin.
Platforma Piştevaniyê ya Penaberan a Îzmîrê ku têkildarî êrişên nijadperest ên li dijî penaberan daxuyanî da, destnîşan kir ku ji bo 4’emîn pêla lînckirinê ya mezin pêk neyê divê sûcên nefretê bê ceza nemînin.
Xelkê Şêladiz û Amêdiyê li dijî dagirkeriya dewleta tirk rabûn ser xwe.
Biryara hinceta beraetkirina polîsên bersûc ên ji doza cînayeta Tahîr Elçî dihatin darizandin, hat eşkerkirin. Dadgehê biryara hincetê spart rêbeza, “ji gumanê bersûc sûdê werdigire.”
Li navçeya Qereyaziyê ya Erziromê û navçeyên Agiriyê ji ber barana zêde lehî rabûn. Li Qereyaziyê Yakup Eren ê 23 ku li ber pez bû bi lehiyê re çû û jiyana xwe ji dest da.
Lîstikvanê navdar Kadîr Înanir ji ber tedbîrê rakirin beşa lênerîna awarte ya nexweşxaneyê.
Midûriyeta Çandinî û Daristanê ya Hezexê ragihand ku ji ber nexweşiya şebê ketin û derketina pez û dewaran a li navçeyê qedexe kiriye.
Cenazeyê Arvîn Huseynî yê li navçeya Elkê di şer de jiyana xwe ji dest da piştî 20 rojan hate veşartin.
Ocaxên Ulkucuyan Hevserokê Giştî yê HDP’ê yê berê Selahattîn Demîrtaş dîsa hedef nîşan dan. Parêzerê Demîrtaş dê gilî bike.
Dadgeha Bexdayê cezayê îdamê da hevjîna serokê DAIŞ’ê yê berê Ebû Bekir el Bexdadî.
Komxebata Neteweyî li ser bangawaziya KNK’ê hat lidarxistin. Di encamnameya komxebatê de wiha hate gotin: “Pêvajoya em tê de ne li me ferz dike ku em bi ruhê seferberiyê tevbigerin.”
Rêxistinên ekolojiyê rapora xwe ya têkildarî şewata li Amed-Mêrdînê eşkere kir û wiha gotin: “DEDAŞ û îktîdar li rexekî rê li ber mirina welatiyan vedikin û li rexa din jî rê li ber texrîbateke cidî ya ekosîstemê vekirine.”
Tevna Mafê Mirovan a Kurdistanê ragihand ku di 31’ê hezîranê de li Dadgeha Merîwanê doza çar mamostayên kurd hat lidarxistin û hat diyarkirin ku ji bo her yekê çar meh cezayê girtîgehê hatiye dayîn.
Hevberdevkê Komîsyona Mafên Mirovan û Hiqûqê ya DEM Partiyê Ozturk Turkdogan rapora têkildarî girtîgehên tîpên Y û S’yê eşkere dike.