Melodî Zengîn a ji bo mitînga ku parazvanên mafên heywanan dê di 2’yê hezîranê de li Qada Gundogdûyê li dar bixin bang kir, wiha got: “Niyeta me nîne ku canên xwe yên li kolanan ji destên bixwîn ên pergalê re bihêlin.”
Di şewata qlûba şevê ya li Beşîktaşê de 29 karkeran jiyana xwe ji dest dabûn. Têkildarî 9 gumanbaran îdianame hate amadekirin û ji ber sûcê “Bi qisûra zanebûn bûne sedema mirina gelek kesan” li her yekî 22 sal û 6 meh cezayê hefsê hate xwestin.
Girtiya bi navê Ayşe Topçû diyar kir ku ew ji bo azaidiya Abdullah Ocalan di çalakiyê de ne û banga berfirehkirina têkoşînê li raya giştî kir.
Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî di roja 187’an de didome. Girtî, daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk dikin.
Parlamentera DEM Partiyê Sabahat Erdogan Saritaş ku li Girtîgeha Tîpa T a Qubînê hevdîtin bi girtiyê nexweş Mehmet Emîn Çam re kir, got: "Nikare bi tena serê xwe di nêrdewanan de jî hilkişe. Hevalên wî pêdiviyên wî yên rojane dabîn dikin."
Cîgira Hevserokatiya Giştî ya ESP'ê Beycan Taşkiran ku gazî gelê Periyê kir ku di 2'yê Hezîranê de xwedî li vîna xwe derkeve, got: "Em li dor DEM Partiyê bibin xelek."
Qeyûma Şaredariya Cizîrê bi hinceta “nêrîna neyînî ya çêbûye” ji holê rake di sala 2022’yan de 4 milyon 130 hezar lîre pere daye Dosso Dossî.
Hevserokê TÛAY-DER’a Çûkûrovayê Metîn Înce destnîşan kir ku tecrîda li Îmraliyê û meseleya kurd pirsgirêka hemû welat e û xwest ku rayagiştî piştgiriyê bide çalakiya malbatên girtiyan.
Nobeda Edeletê ya Emîne Şenyaşar di roja 117’an de berdewam dike. Emîneyê careke din daxwaza edeletê kir.
Hevserokê Giştî yê DEM Partiyê Tûncer Bakirhan ê li Curnê Reş a ku wê hilbijartin bê nûkirin xitabî bi hezaran şêniyên Curnê Reşê kir û got: "Gelê Curnê Reşê wê di 2'yê Hezîranê de bersiveke baş bide û wê careke din îspat bike ku gelê kurd li ku ye. Em ê derseke baş bidin hîlekaran."
Ji kesên bi hinceta tevlibûna çalakiya 1’ê Gulanê ya Stenbolê hatin girtin 3 jê hatin berdan.
Cerdevanê bi navê Bişar Atli ku M.Ş. revandibû û êrişa zayendî lê kiribû, hate tehliyekirin. Xizmên M.Ş. bertek nîşanî biryara tehliyeyê dan û wiha gotin: “Bersûc dê biçe gund û li ber çavên malbatê bigere. Tu tevdîr nehatin girtin. Biryara tehliyeyê wijdana civakê diêşîne.”
Şaredariya Êlihê li xaçerêyên hatin û çûyîna peyayan zêde ye li ser dîrekên sînyalîzasyonê ji bo kesên çavên wan nabînin sinyalizasyona du zimanî bi cih kir.
Dadgeha Îstînafê ya Dîlokê 339 sal û 7 meh cezayê hepsê yê li 62 endam û rêveberên HDP, DBP, SYKP û Înîsiyatîfa Dayikên Aştiyê hatiye birîn erê kir. DEM Partiyê li pêşiya Edliyeya Dîlokê ev ceza protesto kir.