Parêzera girtî Merve Nûr Dogan ku tecrîda girankirî ya li Îmraliyê protesto dikir, piştî biryara dadgehê bi darê zorê anîn odeya SEGBÎS’ê. Dogan, parastin nekir û cezayê lê hatiye birîn bi dirûşma “Bijî Serok Apo” protesto kir.
Danişîna doza Hevserokê Giştî yê HDP’ê yê berê Selahattîn Demîrtaş a bi îdiaya “heqaret li serokkomar kiriye” jê tê darizandin hate taloqkirin.
Li navçeya Bodrûmê keştiya ku penaber lê siwarbûyî bûn, xera bû. 14 kes ji keştiyê hatin rizgarkirin, 2 kes mirin û 4 kes jî hê winda ne.
Malbata Rêberê PKK’ê Abdullah Ocalan û girtiyên din Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Komên paramîlîter ên girêdayî dewleta tirk li Efrînê welatiyek revandin.
Hevseroka Giştî ya DEM Partiyê Tulay Hatîmogûllari di Lijneya Giştî ya TMMOB’ê de axivî û wiha got: “Ji bo azadiya girtiyên doza Kobanê û Geziyê divê em bi hev re têbikoşin.”
Perwerdekar Duygu Ozbay têkildarî armanc û xetereyên ku dê Modêla Maarîfê ya Sedsala Tirkiyeyê bi xwe re bîne axivî. Ozbay, ji dersên di mufredatê de mînak da û got: “Ev mufredat, bernameyeke navendîparêz e û îdeolojiya îktîdara siyasî dixe pratîkê.”
Mûrat Kiliç ku ji malbata wî 5 kes di cinayetên kiryarên nediyar de jiyana xwe ji dest dan, got: "Kalê min mele bû. Ji ber ku qibleya bazirganên dîn ên sixte qebûl nekir, hat kuştin. Bi van cinayetan re xwestin kurdan bê bîr bihêlin."
Parlementera DEM Partiyê Newroz Ûysal Aslanê diyar kir ku divê ji bo girtiyên ku cezayê muebeda giran li wan hatiye birîn tiştek bê kirin û got: "Israrkirina di xala qanûnê ya li dijî hiqûqê de îşkence ye."
Di çarçoveya lêpirsîna ji aliyê Serdozgeriya Komarê ya Rihayê ve hatiye destpêkirin, hejmara binçavkirinan derket 10 kesan.
Melodî Zengîn a ji bo mitînga ku parazvanên mafên heywanan dê di 2’yê hezîranê de li Qada Gundogdûyê li dar bixin bang kir, wiha got: “Niyeta me nîne ku canên xwe yên li kolanan ji destên bixwîn ên pergalê re bihêlin.”
Di şewata qlûba şevê ya li Beşîktaşê de 29 karkeran jiyana xwe ji dest dabûn. Têkildarî 9 gumanbaran îdianame hate amadekirin û ji ber sûcê “Bi qisûra zanebûn bûne sedema mirina gelek kesan” li her yekî 22 sal û 6 meh cezayê hefsê hate xwestin.
Girtiya bi navê Ayşe Topçû diyar kir ku ew ji bo azaidiya Abdullah Ocalan di çalakiyê de ne û banga berfirehkirina têkoşînê li raya giştî kir.
Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî di roja 187’an de didome. Girtî, daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk dikin.
Parlamentera DEM Partiyê Sabahat Erdogan Saritaş ku li Girtîgeha Tîpa T a Qubînê hevdîtin bi girtiyê nexweş Mehmet Emîn Çam re kir, got: "Nikare bi tena serê xwe di nêrdewanan de jî hilkişe. Hevalên wî pêdiviyên wî yên rojane dabîn dikin."