Parlamenterê DEM Partiyê Serhat Eren ji bo girtiyê nexweş Kendal Barût ku xetere heye çavê xwe winda bike, serî li Komîsyona Lêkolînkirina Mafên Mirovan a Meclisê da. Eren xwest ku binpêkirinên têkildarî astengkirina tedawiya Barût bên lêkolînkirin.
Li Cizîrê ciwanê bi navê Yasîn Gûrhan bi awayekî biguman, jiyana xwe ji dest da.
DEM Partiyê ji bo hilbijartina li Curnê Reş dê were dubarekirin lez da xebatên xwe û jinan pêşengtiya bernameya îro kirin. DEM Partiyiyan li daxwaz û bendewariyên jinan guhdarî kirin û soz dan ku dê hemû pirsgirêkan bi hev re çareser bikin.
ÎHD û TÎHV ên li cihê avahiya Midûriyeta Polîsan a Bajêr a li Gayrettepeyê hate hilweşandin daxuyanî dan, banga hevrûbûnê kirin û gotin: “Em dixwazin şûna avahiya Şaxa 1’emîn a Gayrettepeyê ‘muzeya şermê’ were çêkirin û ji bo kesên di bin çavan de hatine windakirin û hatine îşkencekirin li vê qadê bîrdariyek were çêkirin.”
Bi girseyî serdana şîna Mehmet Yildirim ê li gundê Nenyasa Licê hatibû kuştin, hat kirin.
Şaredariya Bajarê Mezin a Amedê “Terasa Temaşekirinê” ya ku qeyûm kiribû bipere, dîsa kire bê pere.
Di daxuyaniya bi boneya 11’emîn Berxwedana Geziyê de kesên jiyana xwe ji dest dayîn hatin bibîranîn û wiha hate gotin: “Em bi Berxwedana Geziyê serfiraz in."
Hevserokên Giştî yên DEM Partiyê Tûncer Bakirhan û Tulay Hatîmogûllari bang li AKP’ê kirin ku têkiliyên xwe yên bazirganî û leşkerî yên bi Îsraîlê re qût bike.
Odeya Bijîşkan a Amedê diyar kir ku ji bo nexweşiya penceşêrê li nexweşxaneyên dewletê tenê cîhazek dixebite û nexweşxane bi nexweşên penceşêrê dije dibin û bang li rayedaran kir ku bikevin tevgerê.
Kesê bi navê Aytunç Ç. jina bi navê Nagihan ku hev berda bûn, dayika wê Fatma û birayê wê Îbrahîm Can qetil kir.
Di doza rojnamevan Nûrcan Yalçin de biryar hate dayîn ku ji midûriyeta polîsan were pirsîn ka derbarê wê de şahidekî din heye an na.
Derket holê ku di biryara “ÇED erênî ye” ya ji bo mezinkirina kapasîteya şîrketa madenê ya li Licikê ku bûbû goristana 9 karkeran, ji hêla Wezîrê Hawirdor û Bajarvaniyê ê demê Mûrat Kurum ve hatiye erêkirin.
Kesê bi navê Yunus B. ê ku zaroka 15 salî li platforma lîstikê nas kirî, piştre zarok revand û destdirêjî lê kir.
Ji Şeyhmûs Bûran ê ji bo gerê hate Mêrdînê, ji 24’ê gulanê ve agahî nayê wergirtin.
Cezayê muebeda girankirî li Zaîm Hişman Elî (17) yê ku di dema êrişên li dijî Bakur û Rojhilatê Sûriyeyê de hatibû girtin, hat birîn.