DEM Partî qetlîama 160 sal berî niha li dijî çerkezan hatibû pêkanîn bi bîr xist û wiha got: “Divê mafên ziman û çandê yên Çerkezên li Tirkiyeyê dijîn were dayîn, navên gundên wan yên hatine guherandin werin dayîn, vegera wan a welatê xwe bêyî şert, wek madî û manewî were pêkanîn.”
Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî berdewam dike.
Hevserokê MED TUHAD FED’ê Kerem Canpolat diyar kir ku ji bo çareserkirina pirsgirêka kurd wê hevdîtinên ku hemû aliyan bigire nav xwe pêk bînin û got: “Em ê bi civaka Tirkiyeyê re bên cem hev û em ê bêjin ku muhatabê çareseriya pirsgirêka kurd birêz Ocalan e.”
Ji Rêberê PKK'ê Abdullah Ocalan 38 meh in tu agahî nayê girtin, 6 mehên din jî cezayê qedexekirina hevdîtina bi parêzeran re lê hat birîn. Parêzer wê li dijî biryarê serî li AYM'ê bidin.
Li navçeya Sandikliyê otobusa û kamyonetek li hev ketin û 3 jê giranî, 17 kes birîndar bûn.
Li Stenbolê bi hinceta têkoşîna 1’ê Gulanê, bi ser gelek malan de hate girtin û herî kêm 15 hatin binçavkirin.
Hatîce Onaran anî ziman ku desthilat di hêla berdana girtiyên nexweş de cihêkariyê dike û got: “Desthilat bi hiqûqa dijminatiyê bersiva hemû kesên serî netewînin dide.”
Hevserokê KCDK-E'yê Engîn Sever ku diyar kir ku wê çalakiyên xwe yên li dijî tecrîda li ser Rêberê PKK'ê Abdullah Ocalan bidomînin got: "Ger armanc areseriyê pirsgirêka kurd be, destpêkê divê dewletên Ewropayê û Konseya Ewropayê têkevin dewrê û li dijî van bêhiqûqîtiyan helwestê nîşan bidin."
210 roj in tu agahî ji rojnamevan Silêman Ehmed nayê girtin. Hevalê wî yê rojnamevan Araz Îbrahîm diyar kir ku PDK dixwaze bi vê şêwazê dengê heqîqetê bide bêdengkirin û got: "Çapemeniya azad dê teslimî PDK’ê nebe. Cihê şermê ye ku li Kurdistanê rojanemegerekî kurd ji aliyê hêzeke kurd ve bê revandin."
Dîlan Cûdî Sarûhan a ku tabloya wê ya bi navê "Gulên Rojê" ji ber mezinahiya wê ji aliyê rêveberiya girtîgehê ve nehat dayîn, piştî 7 salên dîlgirtinê ji Girtîgeha Jinan a Bakirkoyê hat berdan, hevalên wê Dîlan bi kulîlkên gulberojê pêşwazî kirin.
Meclisa Dayikên Aştiyê ya Geverê banga "Dawî li tecrîdê bînin, rêya diyalogê vekin û pirsgirêkan çareser bikin" kirin.
Tifaqa Dêrsimê û DEM Partiyê ji bo hilbijartina şaredariya bajarokê Periyê ku dê di 2’yê hezîranê de bê dubarekirin, derî bi derî, gund bi gund xebatan dimeşînin.
Li gelek bajaran çalakiya “Deng bide azadiyê” ku bi pêşengiya malbatên girtiyan tê lidarxistin berdewam kir. Di çalakiyan de hat xwestin ku tecrîd bê rakirin.
DEM Partiyê li navçeya Curnê Reş ku dê hilbijartin lê bê dubarekirin lez da xebatên xwe û çû serdana esnaf û şêniyên taxan.