Nûnerên saziyên çapemeniyê diyar kirin ku bi girtina rojnamegeran re hewl tê dayin ku rastî dernekeve holê û gotin ku ev êriş li hemû rojnamevanan hatiye kirin. Banga têkoşînê hat kirin.
Endamê Meclisa Partiyê ya DEM Partiyê Muhsîn Aydogdu û Omer Kistak ên 4 roj berê li Rihayê di serdegirtina malan de hatibûn binçavkirin, hatin girtin.
Emîne Şenyaşar ku di roja 88’an de li ber Wezareta Edalatê Nobeta Edaletê didomîne got: “Ev zilm ne zilmeke asayî ye.”
Şaxa ÎHD’a Stenbolê rapora xwe ya binpêkirinên li girtîgehên Herêma Marmarayê eşkere kir û da zanîn ku di 3 mehan de hezar û 76 binpêkirinên mafan hatine kirin.
Dayikên Aştiyê yên Îzmîrê xwest ku Makbûle Ozer a 82 salî were berdan û wiha gotin: “Dayikên nexweş û pîr dibin girtîgehê û îşkenceyê li wan dikin. Em vê qebûl nakin.”
Hate diyarkirin ku dewleta tirk a li dijî Metînayê êrişên nû dane destpêkirin, bi piştgiriya PDK’ê re li hin noxteyan dest bi çêkirina rê kiriye.
DEM Partiyê ji bo 28’ê nîsanê weke “Roja Bîranîn û Şînê ya ji bo Kesên di Cînayetên Kar de Jiyana Xwe ji Dest Dayîn” pêşniyarqanûn da Meclisê.
Baroya Amedê bertek nîşanî mutalaayê di doza Tahir Elçî de da û got ku dê sûîqest bêceza nemîne û ji bo danişîna dozê banga tevlibûnê kir.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 38 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Tevî biryara binpêkirinê ya AYM’ê ya têkildarî Taksîmê jî Wezîrê Karên Hundir Alî Yerlîkaya got ku ew piştgiriyê dide biryara qedexeyê ya Walîtiya Stenbolê.
Dozger di doza cînayetê ya Tahîr Elçî de ji bo bersûcan daxwaza beraetê kir.
Li gorî daneyên TUÎK’ê yên meha nîsanê, baweriya bi aboriyê kêm bû.
Tehliyeya nûçegihana JINNEWS’ê Derya Ren ku li Girtîgeha Jinan a Amedê tê ragirtin bi îdiaya “Cezayê disiplînê” 3 meh hate taloqkirin.
Çalakiya girtiyên siyasî ya bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd dabûn destpêkirin berdewam dike.