Parlamenterê HDP’ê Necdet Îpekyuz diyar kir ku divê tifaqa partiyên kurdî bi hilbijartinan re bisînor nemîne û got: “Em armanc dikin ku Tevgera Aştiya Kurd ava bikin. Di vê çarçoveyê de em ê di meha îlonê de Belgeya Helwestê eşkere bikin.”
Hevserokê Giştî yê HDP’ê Mîthat Sancar, ku serdanên xwe yên li Amedê temam kirin, ragihand ku wê di meha îlonê de Tifaqa Kurdî ku dê bi partiyên kurd re ava bikin, dê ji raya giştî re ragihînin.
Hevserokê Giştî yê DBP’ê Keskîn Bayindir li Agiriyê axivî û bal kişand ser êrişên ser kurdan. Bayindir got; “Heke em têbikoşin dê destkeftiyên mezin bi dest bixin. Çi dikin bila bikin lê kurd gelek nêzî azadiyê ne.”
Parlamenterê HDP’ê Hişyar Ozsoy diyar kir ku Tirkiyeyê ji bo êrişa Bakur û Rojhilatê Suriyeyê ji Rûsya, Îran û Amerîkayê nekariye razîbûnê wergire û got: “Heke Erdogan di vê hevsengiya hêz û pozîsyonê de bikeve şerekî ku tu kes naxwaze, wê neçar bimîne bedelekî gelekî giran ê leşkerî û siyasî bide.”
Berdevka HDP’ê Ebrû Gunay li Amedê civîna çapemeniyê li dar xist û banga tevlibûna mitîngên partiya xwe ya li Amedê û Stenbolê kir û xwest gel li dijî tecrîd, qedexeyan, şer û dagirkeriyê biherike qadên mitîngê.
Parlamenterê HDP’ê Nusrettin Maçîn diyar kir ku divê partî û rêxistinên kurdan li dijî êrişên ser kurdan bi bernameyek hevpar tevger bikin û xwest ruhê yekitiya neteweyî ya kurd di mitînga “Çareserî em in” de bê cem hev.
Hevberdevka Komîsyona Karên Derve ya HDP’ê Feleknas Uca ji bo ku Fermana 74’an a li dijî êzidiyan hatiye kirin weke “qirkirin” were naskirin, teklîfa qanûnê da Meclisê.
Parlamenterê HDP’ê Hasan Ozguneş diyar kir ku AKP-MHP dixwaze xeyala Osmaniya Nû pêk bîne lê dê kurd û hêzên cîhanê destûrê nedin. Ozguneş ji bo mitînga Amedê jî ev bang kir: “Werin em li dijî polîtîkaya şer û înkarê bi hev re li qadan dengê xwe bilindtir bikin.”
MYK’a HDP’ê bi serokatiya Hevserokên Giştî Bûldan û Sancar civiya û bernameya xwe ya çalakiyan a heta 1’ê Îlonê Roja Aştiyê ya Cîhanê diyar kir.
Serokê Meclisê Mûstafa Şentop pêşnûmepirsa têkildarî doza Mûsa Anter ku ji hêla JÎTEM’ê ve hatibû qetilkirin, bi hinceta “Qebe û şikîner e” paşve şand.
Rapora Komîsyona Têkel a ji bo rakirina parêzbendiya Hevseroka Giştî ya DBP’ê Saliha Aydenîz hatiye amadekirin, pêşkeşî Lijneya Giştî ya Meclisê hat kirin.
Hevserokê Giştî yê DBP’ê Keskîn Bayindir destnîşan kir ku kurd wê li dijî îktidara AKP’ê serê xwe netewînin û got: “Çareserkirina pirsgirêka kurd bi muzakereya bi Ocalan re pêkan e. Ji bilî wî tu sazî, dezgeh, kes û partî ne muxatab e.”
Hevseroka Giştî ya DBP’ê Saliha Aydenîz diyar kir ku polîtîkaya tunehesibandina kurdan a sed salî bi saya gelê kurd vala hatiye derxistin û wiha got: “Têkoşîna gelê kurd ji bo hemû gelên cîhanê bûye mînak. Hemû kes bi hêvî û baweriyeke mezin li têkoşîna gelê kurd dinihêre.”
Hevserokê Giştî yê HDP’ê Mîthat Sancar bi Wezîra Karên Derve ya Almanyayê Annalena Baerbock re hevdîtin kir.
Parlamentera HDP'ê Fatma Kûrtûlan, biryarên ku piştî binçavkirina endamên meclisê yên HDP'î duh li Meclisa Şaredariya Akdenîz hatin girtin bir rojeva meclisê.