Parlamenter û Wekîla Seroka Koma HDP'ê Fatma Kurtulan, bal kişand ser gotina Bînalî Yildirim a “Kurdistan û Dersim” û wiha got: "Ev gotina Yildirim gotimek pêkenok e. Hemû kolan pê dikenin. Hemû pêşniyarnameyên me yên peyve Kurdistan di navde hene, tev bi hinceta 'Qibe, dişkîne, birîn dike' tên dîtin û red dikin. Bînalî Beg dema Serokê meclîsê bû red dikir, niha jî bi xwe dibêje Kurdistan."
Parlamenterê CHP’ê Kanî Beko peyamên Rêberê PKK’ê Abdullah Ocalan nirxand û got: “Ya esil ew e li ser vê axê aştiyek mayînde pêk were. Heta ev yek pêk neyê dê gellek êş bên qewimandin.”
Wekîlê berê yê ANAP’ê Abdulbakî Erdogmuş anî ziman ku hevdîtina dewletê ya ji nûve li gel Ocalan pêşketinên li Sûriyeyê bi bandor in û got: “Tirkiye îro ji aştiya navxweyî bêtir, pêşketinên li Sûriyeyê girîng dibîne. Di serdema nû de dê hevsengî ber bi Sûriyeyê ve biçe.”
Parlamenterê HDP’ê da zanîn ku bi hevdîtinên yên li gel Ocalan re “ji şaşîtiyê vegeriyan” û ji bo çareseriya pirsgirêka kurd deklarasyona di 2013’an de hat eşkerekirin hêj derbas dar e û got: “Divê deklarasyona 2013’an carek din bikeve meriyetê.”
Hevseroka Giştî ya HDP'ê Pervin Buldan, di çarçoveya cejna Remezanê de li Îdirê hîtabî gel kir û got: “Em ê di hilbijartina 23'ê Hezîranê ya Stenbolê de carek din bi ser bikevin. Divê her kes biçin ser sindoqan. Her kes ji xizmên xwe û nasê xwe re bêjin bila dengê xwe bidin. Ev hilbijartina serkeftina hêza demokrasiyê ye."
Mizgefta Dergeh ya li Gola masiyan a Rihayê ku Namzetê AKP’ê yê Stenbolê Binali Yildirim nimêja Înê lê kir, polîsan mizgeft dorpêç kir. Welatiyên xwestin têkevin mizgeftê Dergah di lêgerîna polîsan re derbas bûn.
Hevserokê Giştî yê HDP'ê Sezaî Temellî axaftina Bînalî Yildirim a Amedê "nejidil" nirxand û wiha got: "Samîmî nînin. Li aliyekî dibêjin Kurdistan, li aliyekî jî li Bedlîs û Tetwanê tabeleyan kurdî radikin. Bi gotina Kurdistanê kes deng nade we."
Di ser hilbijartina 7'ê Heziranê ya ku rê li pêş destpêka hilweşîna AKP’ê vekir re 4 sal derbas bûn. Lê her çend hilbijartina 7'ê Hezîranê hat betalkirin û bi hilbijartina 1'ê mijdarê li dijî siyaseta demokratîk darbe pêk hat jî HDP hêj li qadê û partiya herî mezin a muxalif e. Berdevkê HDP'ê Gunay Kubilay bandora 7'ê Hezîranê û polîtîkayên piştî wê nirxand û got: "Ger ku li ruhê 7'ê Hezîranê xwedî hatiba derketin wê îro hilbijartina Stenbolê nehatibûya betalkirin. Nivîskar Veysi Sarisozen jî anî ziman ku wê di hilbijartina 23'ê Hezîranê darbeyek li AKP’ê bikeve.
Parlamenterê HDP'ê Mûsa Farisogûllari diyar kir ku bibîrxistina "Mebûsê Kurdistanê" ya Namzetê Stenbolê Bînalî Yildirim hesabê hilbijartinê ye û wiha got: "Heke samîmî ne bila daxwazên gelê kurd û Kurdistanê bibersivînin."
Berpirsiyarê Têkiliyên Derve yên HDP'ê Hişyar Ozsoy, diyar kir ku bo operasyona derî sînor encam nayên girtin û ji bo çareserkirina krîza siyasî û aborî divê li peyamên Rêberê PKK'ê Abdullah Ocalan bê nerîn.
Hevseroka Giştî ya HDP’ê ji bo pîrozbahiya cejnê çû Qersê û wiha got: “Azadî û aştiya vî welatî bi çûyîna AKP’ê dê were. Em li benda 23’ê Hezîranê ne ku carek din dersê bidin AKP’ê û namzetê wan.”
Parlamenterê HDP’ê yê Wanê Tayîp Temel di pîrozbahiya cejnê de axivî û diyar kir di şertên faşîzmê de bi têkoşînê encam dikare bê girtin û pêvajoya nû ya li ser banga Ocalan dest pê kir ji bo AKP’ê fersendek e.
Çavdêrê Siyasî û Mamostayê Zanista Siyasetê Dr. Kameran Mentik, têkildarî êrîşên li dijî Başûrê Kurdistanê, diyar kir ku li gel bêdengiya Hikûmeta Herêma Kurdistanê, bêdengiyek navnetewî jî heye. Mantik da zanîn ku ev yek nîşana li ser herêmê komployek navnetewî heye ye û wiha got: "Medya û rewşenbîrên Kurdan jî bê helwestin. Ev bêdengî cihê şermezariyê ye. Pêwîste li ser asta netewî em xwedî helwestbin."
Partiyên siyasî, bi boneya cejnê Navenda Giştî ya HDP'ê ziyaret kirin. Alîkarê Serokê Giştî yê CHP'ê Yildirim Kaya, di pîrozkirina cejnê de axivî û wiha got: "Ji bo ku em coşa cejnê bijîn, divê em dinava aştiyê de bin û bi heskirin hev hembêz bikin."
Hevserokê Giştî yê HDP’ê Sezaî Temellî, di xwarina fitarê ya partiya wî ji bo dayikên Laçik Sîp dayî de axivî û got: “Ji bo hevdîtina Îmraliyê gavek girîng hat dayîn, lê bes nîne.” Temellî bal kişand ser hilbijartina Stenbolê jî û wiha axivî: “A girîng berî pêşîn çûyîna ser sindoqane.”