Serokwekîlê Koma HDP’ê Sarûhan Olûç ku biryara AYM’ê ya bloqekirina hesabên HDP’ê nirxand, wiha got: “Hem ji aliyê malî hem jî ji aliyê siyasî ve amadekariyên me yên ji bo girtin û qedexeya siyasî hene. Em bi biryar in ku sala 2023’yan ji bo xwe bikin saleke destkeftiyan û ji bo hikûmetê bikin sala windakirinê.”
Parlementerên HDP’ê li dijî tecrîda Îmraliyê gazî Wezareta Dadê krin û gotin: “Divê ev tecrîd demildet bê rakirin. Pêwîste parêzer û malbata birêz Ocalan û girtiyên din hevdîtinê bikin.”
Tifaqa Ked û Azadiyê banga beşdariya mitînga dê di 15’ê çile de li Stenbolê li dar bixe kir û got: “Em radigihînin ku di hilbijartina Serokkomariyê de di pêvajoya diyarkirina namzetê me de em nêzî namzetê hevpar in ku li gorî rêgezên me be û bi mutabakatê hatibe diyarkirin.”
Cîgirê Hevserokê Giştî yê HDP’ê Serhat Eren biryara “bloqeyê” ya AYM’ê weke “darbeya darazê ya li dijî siyaseta demokratîk” pênase kir û wiha got: “Dadgeh li gorî usûlê tevnegeriya û bi vê derhiqûqiyê mohra xwe li dîrokê xist.”
Parlamenterê HDP’ê Mahmût Togrûl biryara blokekirinê ya AYM’ê daye wek sosret pênase kir û got: “Gelo AYM di bin fermana kê de ye?”
Parlamenterên HDP’ê di çalakiya li dijî tecrîdê ya roja 11’emîn de diyar kirin ku li Îmraliyê hiqûq ji holê hatiye rakirin û got: “Tecrîda li Îmraliyê rakin. Dawî li îşkence û sepanên kêfî yên li girtîgehan bînin.”
Wekîla Seroka Koma HDP’ê Meral Daniş Beştaş diyar kir ku îktidar bi dozên sîparîşkirî yên siyasî dê di hilbijartinê de bi ser nekeve û got: “We ji zû ve vê hilbijartinê winda kiriye.”
Hevserokê Giştî yê HDP’ê yê berê Selahattîn Demîrtaş, têkildarî rêjeya zemên li mûçeyên karmend û teqawîdan hate kirin wiha got: “Bi salane her ku diçe qesr dewlemendtir, gel feqîr dibe.”
Ji pêkhateyên Tifaqa Ked û Azadiyê Serokê Giştî yê EHP'ê Hakan Ozturk, diyar kir ku bingeha pirsgirêkên li Tirkiyeyê pirsgirêka demokrasiyê ye û got: "Heke ên hilberîner û xebatkar em bin, nexwe divê ên welêt bi rêve dibin jî em bin."
Komîsyona Hiqûq û Mafên Mirovan a HDP’ê diyar kir ku serlêdana Dadgeha Bilind a bo AYM’ê destwerdaneke yekser a li siyasetê ye û jê xwest ku bêyî lêkolîn bike vê daxwaze red bike.
Hevseroka Giştî ya HDP’ê Pervîn Bûldan diyar kir ku wê partiya wan her têkoşîna xe bidomîne û got: “Sala 2022’yan bi berxwedanê derbas bû, sala 2023’yan dê bibe sala serkeftin û serfiraziyê.”
Tifaqa Ked û Azadiyê ji bo stratejiya hilbijartinê û profîlê/a namzetiya Serokkomariyê diyar bike di 5’ê çile de li Stenbolê dicive.
Serokwekîla Koma HDP’ê Meral Daniş Beştaş diyar kir ku bi qedexekirina hevdîtinên Rêberê PKK’ê Abdullah Ocalan ên bi malbat û parêzeran re peymanên PMME û yên navneteweyî hatine binpêkirin û têkildarî tecrîda li Îmraliyê 17 pirs ji Wezîrê Dadê Bekir Bozdag kirin.
Hevserokên Giştî yên HDP’ê Pervîn Bûldan û Mîthat Sancar peyama sersalê weşandin û diyar kirin ku wê tariya heyî bi têkoşîna hevpar a gelan ji holê rabe û gotin: “Sala 2023 ji bo gelên Tirkiyeyê dê bibe sala biharê: Sala me ya nû pîroz be.”
Dadgeha Destûra Bilind, dê di 6’ê çileyê de daxwaza qutkirina alîkariya Xezîneyê ya ji bo HDP’ê ya Serdozgerê Dadgeha Bilind Bekîr Şahîn ê doza girtinê li HDP’ê vekir nîqaş bike.