Li Bazara Kayê ya Wanê salên berê rojê nêzî 250 ton ka dihat firotin, lê îsal ji ber bihabûna kayê firotina rojane daket 20 tonan. Ligel zivistan xelas bû û bihar hat jî, hêj li Wanê kîloya kayê bi 1 TL’î tê firotin.
Piştî bihabûna maliyetên mazot, gubre, dermanan û firotina fabrîkeyên şekir hilberîneran dev ji pincarê jî berda. Li Erdîşê 1650 cotkarên ku salê 25 ton ber bi dest dixistin, îsal piraniya wan dev ji çandiniyê berdan.
30 karkerên di înşaeta Santrala Termîkê ya Kolîn a Soma de dixebitin, ji ber nexwestin 1'ê Gulanê bixebitin, ji kar hatin avêtin.
Aborîzan Aydin Ari, diyar kir ku hemû nîşaneyên aboriyê nîşan dide ku krîz tê veşartin û ev krîza tê veşartin dê biteqe.
Meclîsa ÎSÎG, diyar kir ku di Nîsanê de herî kêm 177 karkeran jiyana xwe ji dest dan.
Karkerên ji Zanîngeha Egeyê hatin avêtin ên ji bo li karê xwe vegerin 26 rojin di çalakiyê dene, li ber salona civîna “Şuraya Pêşerojê” ya Rektorê zanîngehê û Waliyê Îzmîrê jî beşdar dibin de kom bûn û gotin “Bêyîme pêşerojek tune ye.”
Firotina febrîqeyên şekir ên Turhal, Yozgat, Çorum, Kirşehir û Borê hatin erêkirin.
Hikûmeta AKP'ê beriya referanduma Serokomariyê ya 16'ê Nîsanê soza "Ger erê derkeve dê aborî baş bibe" dan, lê piştî AKP di referandumê de dengê "erê" bi dest xist dijberî sozên AKP'ê bêtir aborî xera bû û dolar 4 tl derbas kir. Bi sedan kargerî û şîrket hatin girtin. Bi sedan şîrket hatin firotin.
Li gundê Kabali yê navçeya Kadişehîr a Yozgatê 11 hezar donim erd ku tapoya wê hat çêkirin, li 5 donimê wê baxçeyê fêkiyan hat çêkirin. Çend roj berê jî erdên tapoya wan hat çêkirin ji bo 25 salan bi kirê dan şîrketekê.
Li Dîlokê ku berê 10 hezar dezgehên merşkeran hebûn, niha tenê hoste Yaşar Elbîr vî karî dike. Elbîr anî ziman ku berê bajar debara xwe bi merşkeriyê dikir, lê belê niha qîmeta vî karî nemaye.
Li Qoserê ku ji ber rewşa aborî ya her diçe xirabtir dibe di demên dawî de bi dehan fîrmayên îxracatkar îflas kirin, welatiyan diyar kir ku hilbijartina zordest ji bo rizgarbûyîna ji krîzê firsendeke baş e.
Li Eneqereyê piştî bidawîbûna pîrozbahiyên mitînga 1'ê Gulanê polîsan êrîşî kedkarên ku ji hev belav bûn kir û 2 kes binçav kirin.
Li dehan navendan ên Tirkiyeyê karker û kedkar daketin qadan 1’ê Gulanê Cejna Karker û Kedkaran pîroz kirin û dirûşmeya “Bijî Yekê Gulanê” ji qadan bilind bû.
Hevserokê Giştî yê HDP’ê Sezaî Temellî di mitînga 1’ê Gulanê ya Amedê de axivî û diyar kir ku di hilbijartina zordest a 24’ê Hezîranê de çareserî bi HDP’ê pêkan e û ev hişyarî kir: “Ya hûnê bi HDP’ê re siyasetê bikin an jî hûnê birizin û biçin.”
Li Dîlok, Semsûr, Êlih, Dersım, Riha û Meletiyê bi hezaran karker û kedkar li qadên 1’ê Gulanê Cejna Karker û Kedkaran, bi dirûşmeya “Hûn nikarin vîna me têk bibin” pîroz kirin.