NAVENDA NÛÇEYA - Hunergeha Welat berhem ango strana  “Li Herî Jorê” bi tevî klîba wê ve amade kir û weşand.

 

Hunergeha Welat a li rojavayê Kurdistanê xebatên xwe çand û hunerî hildiberîne xebatên hêja amade dike û bi raya giştî re parve dike. Vê carê jî Hunergeha Welat got, “Li Herî Jorê” û klîba vê stranê amade kir û bi guhdar û bînerên xwe re parve kir. Stran diyarî giyanên cangoriyên azadiya Kurdistanê ku di şerê li başûrê Kurdistanê de jiyana xwe ji deset dane hat kirin. Mehmûd Berazî wek her demê muzîka stranê amade kiriye. Gotinên stranê ji aliyê Şêro Hindê û Îbrahîm Feqê ve hatiye nivîsandin. Hunermend Şervan Badînî jî dibêje. 

 

Kareografiya reqa klîbê ji aliyê Rojda Dendara ve hatiye amadekirin. Klîb bi şêwaz û dîtbariyek xweşik hatiye amadekirin û stran û dîtbariya klîbê harmoniyek radixe ber çavan. Mirov ne ji gotinên stranê ne jî ji temaşekirina dîtbariya klîbê têr dibe. 

 

Di destpêka klîbê de cih dane vê nivîsê: “Her dem Dêrsim, Zap û Zagrosê, hemû çiyayên Kurdistanê bûne sembola parastinê. Ti hêz nikaribûn wan devaran ji destê kurdan derxin. Bi hezaran şehîdan xwîna xwe rijandin ji bo ku her dem Kurdistan bimîne, mînaka berxwedanê li hemû cîhanê diyarî giyanên hemû şehîdan, bi taybet Esmer, Botan û Memyan.”

 

Lînka klîbê wiha ye: 

 

Gotinên stranê wiha ye:

 

LI HERÎ JORÊ

 

“li jorê li herî jorê botano

Esmerê xizêm şorê wa Esmerê

li garê li hawirdorê Botano

 çavbazê kezîmorê hê Esmerê

çeqelê van romiyan Botano

 bê terqîn şandin gorê wa Esmerê

-

ava zê pir bi nav e Botano

ji bo neyar çirav e wa Esmerê

têk çû romya bêbav e Botano

paşpaşkî gavegav e hê Esmerê

kelaxên wan li ber tav e Botano

para wan mirina xav e hê Esmerê 

 

Koro

ava zê gujeguj e 

guliya metîna ya kej e 

Esmer berûya bej e Botano

çiya ji awiran diheje Esmerê

gurboz yek car dikuje Botano

rêya wan vajevaj e Esmerê

-

enya gever bilind e Botano

da ber xwe ser û bin e hê Esmerê

şeşxanan qîj e û him e Botano

me û tirkan hirm e û gurm e hê Esmerê

şerê sîng û dewran e Botano 

sîreg li hinav û sîngan e hê Esmerê 

 

memyanê min xweş siwar e Botano

lûla wî jê re yar e hê Esmerê

gurza mem  kurêjar e Botano

çoga wan anî xwarê hê Esmerê

cewrên tirko bi hewar e Botano

li qesrê qareqar e hê Esmerê

 

Koro 

segvanên nîşançî ne

serfir e mefer nîn e 

werxelê çi xweş war e Botano 

çeper ê xwarz û xal e Esmerê 

çar tilî qûçê wan e Botano

tirs mergê roviyan e Esmerê”