Siyasetmedar û nivîskar Abdulbakî Erdogmuş diyar kir ku di çareseriya pirsgirêka Kurd de muxatab Abdullah Ocalan e û got: “Mimkin nîne komîsyon bi paşguhkirina Ocalan mutebeqetekê bi dest bixe. Divê şande biçe Îmraliyê.”
Serokê Giştî yê EHP’ê Hakan Ozturk diyar kir ku îktîdar di mijarên girtiyan, Abdullah Ocalan û qeyûman de xwe bêdeng dike û got: “Ma dê heta kengî bireve? Şertên heyî dê bikin ku ji mecbûrî gavan biavêjin.”
Îffet Mûtaş ku di dema şer de bav, du bira, birazî, kur û keça xwe winda kiriye, got: "Wekî kesekî ku êşa du xwişk û bira, du zarok, dayik, bav û biraziyê xwe Mazlum Tekdag dîtiye, em aştiyê dixwazin."
Serdar Akay diyar kir ku bavê wî Latîf Akay ê 65 salî ku li Girtîgeha Tîpa T a Qubînê dimîne nikare bimeşe û li ber mirinê ye û xwest ku ji bo bavê wî bê dermankirin divê bê berdan.
Rêveberê TUAY-DER a Çukurovayê Lokman Şaman diyar kir ku binpêkirinên li girtîgehan, bi taybetî yên der barê mafê tenduristiyê de berdewam dikin û got ku divê girtî wekî kirdeya pêvajoyê werin dîtin.
Mihrîcan, mitîng û meşên ku Platforma Saziyên Demokratîk li Cizîr, Tetwan û Dêpê di çarçoveya Civînên Civaka Demokratîk de dabûn destpêkirin, wê li 13 bajarên din berdewam bikin.
Alî Riza Arslan ku kurê wî di dema qedexeya derketina derve de jiyana xwe ji dest da û piştî 7 salan hestiyên wî hatin radestkirin, got: "Ew kesên ku mîna min êşê dikişînin û mexdûr in, aştiyê dixwazin."
Hevseroka KCD’ê Leyla Guven jî di nav de li 12 jinên girtî bi sedema protestokirina komploya navneteweyî ya li dijî Rêberê Gelê Kurd Abdullah Ocalan, cezayê disiplînê hate birîn.
Konseya Bajar a Wanê ji bo nîqaşkirina pirsgirêkên bajar, bi tevlibûna 3 hezar kesan civiya. Di civînê de peyama xwedîderketina li banga Abdullah Ocalan û têkoşîna li dijî polîtîkayên şerê taybet hate dayin.
Zaroka bi navê Elîf Korkut a 8 salî ku hat îdiakirin li bajarokê Gîte yê Silopiyayê kete Çemê Hezilê, jiyana xwe ji dest da.
Welatiyên Sêweregê ku 3 roj in ceyrana wan hatiye birîn, li pêşiya Midûriyeta DEDAŞ’ê ya navçeyê çalakî li dar xistin û rêya Amed-Sêweregê ji trafîkê re girtin.
Konferansa Yekhelwestiya Pêkhateyên Bakur û Rojhilatê Sûriyeyê dê di 8’ê Tebaxê de were lidarxistin.
Şaredariya Bajarê Mezin a Wanê ku qeyûm lê hatiye tayînkirin, 600 hezar metrekareyên erseyê da ber firotinê. Hevşaredaran bang kirin ku kesek nekeve îhaleyê û li hêla din TSO ya Wanê ji bo têkevin îhaleyê peyam ji endamên xwe re şand.
Hevserokê Giştî yê DBP’ê Keskîn Bayindir di kongreya rêxistina Şirnexê de axivî. Bayindir, diyar kir ku bi pêvajoya Rêberê Gelê Kurd Abdullah Ocalan daye destpêkirin re bêhtir nêzî azadiyê ne û got ku yekitiya neteweyî ya gelê Kurd û mezinkirina xwebirêxistinkirinê dê bi ser kevin.