Serokkomarê AKP’î Tayyîp Erdogan banga “destûra bingehîn a nû” kir û got: “Em destûra bingehîn a nû ne ji bo xwe, ji bo welatê xwe dixwazin. Derdekî min ê jinûvehilbijartinê nîne.”
Tedawiya Akademîsyenê Aştiyê Cenk Yîgîter ku li pêşiya mala xwe rastî êrişa çekdarî hatibû û birîndar bûbû, didome.
Rojnameger Oznûr Deger di danişîna ewil a doza xwe de hate berdan.
Di lêpirsîna der heqê polîsê heqaretên zayendperest li rojnameger Oznûr Degerê kiribû de biryara “neşopandinê” hate dayin.
Malbatên Alî Haydar Kaytan û Riza Altûn spasiya kesên tev li şîn, bîranîn û çalakiyan bûne kirin û gotin: “Tacîdarkirina bi azadiyê ya vê meşa mezin a wan daye destpêkirin, deynê stûyê me ye.”
Wekîla DEM Partiyê Newroz Uysal Aslan diyar kir ku girtîgeh veguherîne qadên qutbûna ji jiyanê û got: “Li girtîgehan, rejîmeke mirinê ya bêdeng hatiye avakirin. Ev ne tenê terkexemî ye, di heman demê de stratejiyeke kuştinê ye ku bi rêya xespkirina mafê tedawiyê tê kirin.”
Nivîskar û aktîvîstê Gretchen Dutschke-Klotz ji bo banga Ocalan daxuyaniyeke piştevaniyê da û got, "Divê hemû astengiyên li pêşiya tevlîbûna aktîf a gelê Kurd li nava siyaseta demokratîk bên rakirin û yekİtiyeke aştiyane û dilxwaz a navbera gelan bê avakirin."
4'emîn Dadgeha Îdarî ya Amedê qedexeya walîtiyê ya ji bo bîranîna Şêx Seîd betal kir û wek hincet jî got ku ‘xizmeta ji bo berjewendiya gel nake’ û ‘dest li bikaranîna mafên bingehîn werdide’.
Welatiyên Amedê diyar kirin ku ew piştgiriyê didin pêvajoyê û gotin: “Ji bo pêvajo pêş bikeve divê dewlet gavan biavêje. Bang li Ocalan dikin ku were Meclisê lê nayê berdan. Divê azad bibe ku pêvajo bikare pêş bikeve."
Emîne Çagirga ku di şerê li bakurê Kurdistanê de 2 zarokên wê hatine qetilkirin, got: “Hêviya me ji pêvajoyê heye lê belê bi ser bangê re du meh derbas bûn. PKK’ê çek danîn lê dewletê hêj tu gavên şênber neavêtiye.”
Di Behra Egeyê de bi pileya 6.0’ê erdhej çêbû.
Hevserokên Giştî yên DBP’ê Çîgdem Kiliçgun Uçar û Keskîn Bayindir û Hevserokê Giştî yê DEM Partiyê Tuncer Bakirhan çûn serdana malbata Hevserokê DEM Partiyê yê Êlihê Mûstafa Mesût Tekîk ku demek berê jiyana xwe ji des dabû.
Li Wanê wesayîta zirxî ya polîsan li motorsîkletekê xist û yek jê rewşa wî giran 2 welatî birîndar bûn.