Bi sedema sûcê kuştina mamoste Ozgur Ekîncî, derheqê kurên Halît Agaçhanli yê AKP’î biryara girtinê hate dayin û ev 4 meh in hêj nehatine girtin. Halîme Ekîncî, bertek nîşanî rewşê da û ji bo hevjînê xwe daxwaza edaletê kir.
Parêzer Ercan Kanar diyar kir ku divê tecrîd bê rakirin û got: "Bi sererastkirina mewzûata qanûnî re, wekî Nelson Mandela divê ji bo Abdullah Ocalan jî şert û mercên wekhev û guncan bên afirandin."
Girtiyê nexweş Yilmaz Ustek sewqî Girtîgeha bi Ewlekariya Bilind a Burdurê hat kirin. Ustek, da zanîn ku gardiyanan gef li wî xwarine û hemû alav û amûrên wî desteser kirine.
Rêxistina DEM Partiyê ya Mêrsînê bang li hemû welatiyan kir ku li dijî hewldana tayînkirina qeyûm bên pêşiya şaredariyê.
DEM Partiyê têkildarî binçavkirina Hevşaredarên Akdenîzê got: “AKP, dev ji pratîkên xwe yên darbekar ên li dijî îradeya gel bernade. Çi bikin jî ew ê mehkûmê têkçûneke mezin bin.”
Serokê Şaxa PSAKD'ê ya Ataşehîrê Ozgur Demîrcanli bal kişand ser êrişên HTŞ'ê yên li dijî elewiyên li Sûriyeyê û zextên li Tirkiyeyê û got: "Îro em elewî rastî qirkirineke taybet tên."
Li Colemêrgê 6 sal berê dest bi çêkirina du tunelan hat kirin, lê hê jî nehatine vekirin. Rêxistinên sivîl ên bajêr bertek nîşanî vê yekê dan û gotin: "Rêya mirinê ne çarenûsa gelê me ye."
Berdevkê Wezareta Karên Derve ya Fransayê Lemoine, got: “Em di ferqa deynê xwe yê ji bo HSD’ê û şervanên azadiyê de ne. Di salên zehmet ên têkoşîna li dijî terorê de ew bi me re bûn.”
Hevşaredarên Akdenîzê Hoşyar Sariyildiz û Nûriyet Aslan hatin binçavkirin. Polîsên ku avahiya şaredariyê dorpêç kirin gotin: “Qeyûm hatiye tayînkirin.”
Rozerîn Çukur a di dema qedexeya derketina kolanan de li Sûrê hatibû qetilkirin, li ser gora xwe hat bibîranîn.
Rojnameger Selamet Turan ku bi îdiaya “Endamtiya rêxistinê” hatibû girtin, ji girtîgehê hate berdan.
Hat zanîn ku cenazeyên rojnameger Cîhan Bîlgîn û Nazim Daştan ên bi SÎHA’yan hatibûn qetilkirin û ji ber ku îktîdara AKP-MHP’ê destûr neda bînin bakurê Kurdistanê, dê li Rojava bên definkirin.
Parlamentera DEM Partiyê Dîlan Kunt Ayan di bîranîna Leyla Şaylemez de axivî û wiha got: “Em ê tu caran dev ji paradîgmaya xwe ya azadîxwaziya jinê bernedin.”