Hevserokê MEBYA-DER’ê Mehmet Emîn Kiliç bertek nîşanî astengkirina şandeya dixwest cenazeyên rojnameger Nazim Daştan û Cîhan Bîlgînê bîne da û wiha got: “Astengkirina anîna cenazeyan bêexlaqiyeke mezin e.”
DEM Partiyê diyar kir ku di tevahiya dîroka komarê de îktîdaran ji bo veşartina sûcên xwe rojnameger hedef girtine û wiha got: “Cînayeta Metîn Goktepe ne cînayeta ewil ne jî ya dawî bû.”
Haci Şukru Aslan ê 94 salî, her roj ji navçeya Kerboranê tê ser sînorê Qamişloyê û beşdarî çalakiya nobetê ya li ser sînor dibe. Aslan, wiha got: “Îro rêberekî me heye, Kurd bi ser ketine.”
Dewleta tirk û koma wê ya paramîlîter SMO, Bendava Tişrînê û derdora wê bombebaran dikin.
Li ser bangawaziya Rêveberiya Xweseriya Demokratîk a Bakur û Rojhilatê Sûriyeyê, bi hezaran kes ber bi Bendava Tişrînê ve ketin rê.
Tehliyeya Mehmet Salih Erden ê 30 sal in girtî ye û li Girtîgeha Tîpa F a bi Ewlekariya Bilind a Xarpêtê tê ragirtin, ji bo 6 mehan hate taloqkirin.
Rêberê PKK’ê Abdullah Ocalan, di çaerseriya pirsgirêka Kurd de girîngiyeke mezin dide Meclisê. Abdullah Ocalan di pêvajoya 2013-2015’an de pêşniyar kiribû ku li Meclisê biryar were dayin û “Komîsyona Meclisê” were avakirin.
Şandeya ji bo wergirtina cenazeyên rojnameger Nazim Daştan û Cîhan Bîlgîn çûn Deriyê Sînor ê Xabûrê, ji 6'ê Çileyê ve li ser sînor tê sekinandin.
Serpelê bi navê Y.A. ku ji ber sûcê kuştina Seyîthan Durdu hatibû girtin, hefteyek piştre hate berdan. Serpel Y.A. di îfadeya xwe de got ku du gule berdaye hewayî û piştre li qereqolê îstihret kiriye. Parêzer Ozal Bedîr jî da zanîn ku leşkerên Durdu birîndar kirin, Durdu li cihê bûyerê hiştin û vegeriyane qereqolê.
Ahmet Baysoy, di têkoşîna 40 salan de heta kêliya dawiyê jî di nav têkoşîna azadiya Kurd de cihê xwe girt. Hevalê wî yê têkoşînê Mela Kasim wiha vegot: "Çinarek bû, her kes di nava xwe de dihewand. Ji Cûdî zinarek bû, cihê ewlehiyê bû, cihê hezkirinê bû, cihê kedkarî, fedekariyê bû."
Girtiyê nexweş Fîkret Erden ê ku 5 sal in di girtîgehê de tê girtin, rêveberiya girtîgehê 2 sal in kincên wî yê zivistanê nadê. Dayika wî Sidika Erdenê got: "Her carê reng dikin hincet û ev 2 sal in kincên zivistanê, pêlav û stûmalê nadin û paşve ji me re dişînin."
Ber bi danê sibehê ve li Erziromê bi mezinahiya 4.5’ê erdhej çêbû.
Nûçegîhana JINNEWS’ê Derya Ren ku ji bo şopandina nûçeyan çûbû Belqîs a Dîlokê, li vir hat binçavkirin.
Malbatên rojnameger Nazim Daştan û Cîhan Bîlgîn ku ji bo cenaze bigirin ji duh ve li ber deriyê sînorê Xaburê tên sekinandin bertek nîşanî vê pêkanîna dan û gotin: "Ev bêhiqûqî ye û heta ku destûr nedin em ê li vir bin."