AYM’ê, cezayên ji ber dirûşm û pankartên di protestoyên komploya navneteweyî ya li dijî Abdullah Ocalan de hatibû dayin weke “binpêkirin” qebûl kir.
Di doza 31 kesên HDK, HDP, DBP, DEM Partiyî de li 21 kesan 6 sal û 3 meh cezayê hefsê, li 3 kesan jî salek û 3 meh cezayê hefsê hate birîn.
Hevserokên Giştî yên DEM Partiyê Tulay Hatîmogûllari û Tuncer Bakirhan dê sibe bi Serokê Giştî yê CHP’ê Ozgur Ozel re hevdîtinê bikin.
Şaredariya Sûrê ya DEM Partiyî navê kolana Mînareya Çarling lê ye weke “Kolana Tahir Elçî” guherand.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Wezareta Karên Hundir li şûna keyayê gundê Burmadere yê navçeya Sorsê ya Erdexanê Şahîsmaîl Goyuk qeyûm tayîn kir. Hat zanîn ku Midûrê Îdareya Taybet ê weke qeyûm hatiye tayînkirin, MHP’î ye.
Rojnameger û nivîskarên li Amedê hatin binçavkirin sewqî edliyeyê hatin kirin.
Hevşaredara Êlihê Gulistan Sonuk diyar kir ku ew xespkirina dîwaran nas nakin û wiha got: “Dibe ku em nekarin rêyan qîr bikin lê dê têkoşîna me ya ji bo pêşîlêgirtina tundiyê û ya li dijî tiryakê ku dixwazin li Kurdistanê belav bikin bidome.”
Parêzer Civan Ortaç diyar kir ku lihevkirin û aştiya civakî bi rakirina tecrîda li Îmraliyê pêkane. Ortaç, da zanîn ku 4 hezar kes li girtîgehan hene ku li benda “mafê hêviyê” ne.
Tahir Elçî li pêşiya Mînareya Çarling ku 9 sal berê li wir hatibû qetilkirin, hate bibîranîn. Di bîranînê de hat gotin ku faîlên Elçî hêj jî nehatine girtin.
Fermandarê Biryargeha Navendî ya NPG’ê Mûrat Karayilan bal kişand ser qedexeya hevdîtinê ya bi Abdullah Ocalan re û tayînkirina qeyûman û wiha got: “Bi vê rêbazê nikarin emcamekî bi dest bixin. Bila dev ji taktîka zexta li ser Rêbertiya me berdin.”
Rojnameger Bêrîtan Zagros diyar kir ku êrişeke îxtîmalî ya li dijî Iraqê dê bandoreke neyînî li Şengalê bike û wiha got: “DYA û Îsraîl di bin navê ‘ewlehiya Îsraîlê’ de bi hinceta Haşdî Şabî dixwazin girên stratejîk yên weke Çilmêranê bigirin. Komên nêzî Îranê jî heman tiştan digixwazin.”
Ekolojîst Ertûgrûl Barka diyar kir ku li cîhanê ji ber şer, pevçûn û krîza avhewayê bi milyonan mirov koçber bûne û got ku çareseriya van pirsgirêkan di civaka ekolojîk-komunal de ye.
Girtiyên siyasî ya Girtîgeha Evînê ya Tehranê ragihandin ku ew li dijî cezayê darvekirinê ya li djî Werîşe Mûradî û Nêrgiz Mihemedî dest bi çalakiya greva birçîbûnê kirine.