Rêvebera Şaxa ÎHD’ê ya Wanê Ayten Kiran der barê windabûna Rojîn Kabaiş de axivî û got: “Têkildarî windabûna Kabaîş ji destpêkê ve xemsarî û guman hene. Rêvebirê wargehê xwe berpirsiyar nabîne, rektorê zanîngehê jî bi heman awayî tevdigere. Ev jina ciwan li cihê herî ‘bi ewle’ winda bû. Hûn ê vê yekê çawa rave bikin?”
Endamê Desteya Rêveber a Navendî ya DBP'ê Mûrat Kiliç diyar kir ku rêya xelasiyê ya krîzên piralî bi azadiya Rêberê PKK'ê Abdullah Ocalan pêkan e û banga mitînga 13'ê cotmehê ya li Amedê kir.
Girtiyên li Girtîgeha Akçadagê ji ber lêgerîna li hundirê dev û lêgerîna tazî nikarin biçin nexweşxaneyê. Hat diyarkirin ku girtiyê nexweş Mehmet Alî Yaşa yê jiyana xwe ji dest da, ji ber vê sedemê nexweşiya wî dereng hatiye teşhîskirin.
Li Afyonê otobûsa rêwiyan wergeriya û di qezayê de 21 kes birîndar bûn.
Midûriyeta Giştî ya Meteorolojiyê ji bo herêma Rojhilatê Behra Spî, Rojhilatê Behra Reş û Herêma Serhedê hişyariya barîna zêde kir.
Li ser rêya di navbera navçeyên Cizîr û Silopiyayê de TIR’eke sewal lê barkirî qeza kir û gelek sewal mirin.
Di xebatên ji bo mîtînga 13'ê Cotmehê ya Amedê de wiha hat gotin: "Em bi ruhê seferberiyê di 13'ê Cotmehê de li dijî tecrîdê aştiya mayînde biqîrin."
Desmala xwendekara zanîngehê Rojîn Kabaîş ku ev 14 roj in winda ye, ji aliyê Tîmên Agirkujiyê yên Şaredariya Bajarê Mezin a Wanê ve li ser qeraxa Gundê Bardakçi yê kêleka zanîngehê hat dîtin.
Hunermend Helîmê Omerî û Azad Bedran ên hatibûn binçavkirin, bi şertê kontrola edlî serbest hatin berdan.
2 zarokên ku li navçeya Hezexê diçûn kursa quranê winda bûbûn, hatin dîtin.
Gefên li xwîner û belavkarên Yenî Yaşamê hatine xwarin, hate protestokirin. Belavkar Eyup Alphan got ku çi dibe bila bibe ew ê xwedî li mîrasa rojnamegerên hatine qetilkirin derkevin.
Ji ber nûçeyên têkildarî fihûş û tiryakê derheqê nûçegihana JINNEWS’ê Rabîa Onverê de lêpirsîn hate vekirin. Onver, îfade da.
Ji ber parvekirina têkildarî Eylem Aktaş a di şerê li dijî DAIŞ’ê de jiyana xwe ji dest dabû, bi îdiaya “Propagandaya rêxistinê” doz li rojnameger Pelîn Ozkaptan hatibû vekirin û salek û 6 meh û 22 roj cezayê hefsê li hate birîn.
Rêvebera ÎHD’ê Hatîce Onaran a cezayê hefsê yê derbarê wê de hate pejirandin kete girtîgehê. Parazvanên mafên mirovan bertek nîşanî biryarê dan.