Hevşaredara Dêrsimê Bîrsen Orhan ku bi şertê hefsa malê hate berdan, wiha got: “Axaftina min a weke sûc nîşan dayin heqîqet e û em ê dev ji bilêvkirina wê heqîqetê bernedin.”
Rojnameya Xwebûnê bi manşeta “Heta hetayê Jin Jiyan Azadî” derket.
Hevşaredara Dêrsimê Bîrsen Orhan ku di roja li şûna wê qeyûm hatî tayînkirin derheqê wê de biryara binçavkirinê hatibû dayin, piştî karûbarên li emniyetê sewqî edliyeyê hate kirin.
Tayînkirina qeyûman a li şaredariyên Dêrsim û Pulurê li gelek bajaran hatin protestokirin.
Serokê Giştî yê CHP’ê Ozgur Ozel li dijî tayînkirina qeyûman banga têkoşîna hevpar kir û got: “Meseleya esasî ya tayînkirina qeyûman, cezakirina gel e.”
Hevseroka Giştî ya DEM Partiyê Tulay Hatîmogûllari diyar kir ku nêzikatiya îktîdarê ya li hemberî pirsgirêka kurd, tayînkirina qeyûman e û wiha got: “Her ku diçe, mercên nîqaşên li ser aştiyê ji holê radibin.”
Li Amedê siyasetmedarên zilam û gelek zilaman bi boneya 25'ê Mijdarê daxuyanî dan û diyar kirin ku ew ê li dijî zîhniyeta mêrane û zîhniyeta qedexeker her tim bibêjin "Jin jiyan azadî."
Tayînkirina qeyûman li Şirnex û Erziromê hate protestokirin. Hevserokê DEM Partiyê yê Şirnexê Abdullah Gungen got ku tayînkirina qeyûman, tirsa ji îradeya gel e.
Hevseroka Giştî ya DEM Partiyê Tulay Hatîmogûllari di 13’emîn Lijneya Giştî ya Asayî ya Weqfa Çandê ya Anatoliyayê ya Haci Bektaş Velî de axivî û gt: “Me tu caran serî li ber rejîmên otorîret ên faşîst serî netewand û dê netewînin jî.”
Jinên li Dêrsimê li dijî xespkirina îradeyê meşiyan diyar kirin ku dê jin jiyaneke wekhev, azad û demokratîk ava bikin û wiha gotin: “Yên li ber xwe didin dê bi ser kevin.”
Dadgeha Destûra Bingehîn ji bo guhdarîkirina axaftinên girtî û malbatan ên di dema hevdîtinê de, biryara “binpêkirina rêzgirtina ji bo jiyana taybet û malbatî” û “azadiya agahîgirtinê” da.
Tifaqa NADA’yê bang li hemû jinan kir ku li dora daxwaza azadiyê de bibin yek û wiha got: “Çareseriya hemû pirsgirêkan girêdayî azadiya jinê ye. Ev, nifteya çareseriyê ye.”
Otobûseke rêwiyan û 2 wesayîtan li Emîrdagê qeza kir û 30 kes birîndar bûn.
Hevşaredara Dêrsimê Bîrsen Orhan ku li şûna wê qeyûm hate tayînkirin û derheqê wê de biryara binçavkirinê hate dayin, ji bo îfadeyê çû emniyetê.
Hevseroka DEM Partiyê ya Dêrsimê Esma Ataş tayînkirina qeyûm weke “êrişeke li dijî nasname, ziman û baweriya gelê Dêrsimê nirxand” û endamê GYK’ê yê EMEP’ê Orhan Kurul jî got: “Seyîr Rizayan di 1938’an de serî netewandin û dê neviyên wan jî serî netewînin.”