Hevserokê Giştî yê DEM Partî Tuncer Bakirhan ku di serdana endamên partiyê de axivî diyar kir ku ji niha û pê ve dê ji bo rêxistina xwe xurt bikin bênavber bixebitin û wiha got: "Em ê bi jin, ciwan û gelê xwe re yekitiya xwe avabikin û têkoşîna xwe mezin bikin."
Dadgeha Destûra Bingehîn di serlêdana Dîlan Şahîn de ku bi binçavkirinê û tundiyê re rû bi rû mabû û pitika wê ji ber çûbû, biryara “binpêkirinê” da.
Polîsan li Amedê bi ser avahiya Kooperatîfa Perwerdehiya Ziman û Hunerê ya Ankayê de jî girt. Di çarçoveya lêpirsîna der barê MED-DER’ê, Payîz Pirtûkê û Kooperatîfa Ankayê de heta niha 23 kes hatine binçavkirin.
Parlamenterê DEM Partiyê Omer Farûk Gergerlîoglû bi biryara dadgehê ji eywana danişînê hate derxistin.
Parlamenterê DEM Partiyê Serhat Eren ê di daxuyaniya têkildarî serdegirtina li ser MED-DER û Payîz Pirtûkê de axivî, wiha got: “Dibe ku perwerdekarên me di bin çavan de bin lê saziyên bê xebatkar namînin. Her kurdek mamosteyeke, xebatkareke.”
Di danişîna doza rojnameger Abdullah Kaya de biryar hate dayin ku xwe li benda endama dosyayê ya li Dadgeha Bilind bigirin.
Di çarçoveya lêpirsîna Serdozgeriya Komarê ya Amedê de polîsan bi ser Payîz Pirtûkê de jî girtin. Polîsan piştî lêgerîna 4 saetan 409 pirtûk û 144 kovar desteserkirin.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 42 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Li Stenbolê û Mêrdînê di serdegirtinên malan de gelek kes hatin binçavkirin.
Wezareta Dadê bersiv da pêşnûmepirsa têkildarî lêpirsîna Taybet Înan ku di dema qedexeya derketina kolanan de hatibû qetilkirin û cenazeyê wê 7 rojan li kolanê mabû û got: “Li wezareta me nîne.”
Rêxistinên sivîl ên civakî dê li Amedê serdegirtina MED-DER’ê û Payîz Pirtûkê protesto bikin.
Di serdegirtinên avahiyên MED-DER û Payîz Pirtûkê de gelek pirtûk hatin desteserkirin. Gelek perwerdekarên dersên kurdî yên MED-DER’ê jî hatin binçavkirin.
Ferît Şenyaşar ê ku li Meclisê tevî diya xwe ji bo "edaletê" li ber xwe dide, ragihand ku rayedarên hikûmetê sozên ku dane bi cî neanîne û got ku daxwazên wan ên ji bi hevdîtina bi Tayyîp Erdogan re jî bi awayekî neyekser hatine redkirin.
Endamê ELDH'ê Mîran Kakaee ku ji bo biçe Îmraliyê serî li Wezareta Edaletê da, diyar kir ku divê ji bo 'mafê hêviyê' yê Abdullah Ocalan qanûn bên sererastkirin.
Şaredariya Gundikêmelê ji bo ku li herêmê sewalkarî bi dawî nebe, ji bo çêlekan û bizinan şivan girtin. Şivanên ku şaredariyê wan bi heq girtiye, 400 serî bizin û 90 çêlekan xwedî dikin.