Bi hinceta wêneyê Erdogan daxistiye derbarê Hevşaredarê Tetwanê Mumîn Erol de lêpirsîn hate destpêkirin. Lê yek ji MHP’î derbarê şaredarên ku heman tişt kirin de tu kirarî nehatin destpêkirin.
Operasyona leşkerî ya li gundên navçeya Liceyê hatine destpêkirin didome. Hat zanîn ku operasyon hatiye berfirehkirin.
Di danişîna doza êrişa li dijî Malbata Şenyaşar de ferdê malbatê Fadil Şenyaşar ê girtî dîsa nehat berdan.
Nûçegihanê rojnameya Ozgur Gundemê Hafiz Akdemîr, dê sibê li kolana lê hatibû qetilkirin bê bibîranîn.
Malbata Rêberê PKK’ê Abdullah Ocalan û girtiyên din Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Di doza êrişa li dijî avahiya Rêxistina DEM Partiyê ya Bêrecûkê de bersûc Halîl Begît îdia kir ku “serxweş” bû û hate tehliyekirin.
Endamên meclisa şaredariyê ku rêveberiya qeyûmê li Şaredariya Colemêrgê red kirin, hatin gel hev.
Hunermendê kurd Şivan Perwer piştevaniya xwe ya ji bo Dayikên Şemiyê-Malbatên Windayan anî ziman û got: “Dayikên me diêşin, em xwedî li wan derkevin. Bijî xizmet û têkoşîna dayikan. Hûnê bi ser bikevin.”
Şaredariya Nevşehîrê ya Îyî Partiyê navê Abdûllah Çatli yê di nav rêxistina kontrgerîla de cih girt li qadekê kir.
Hevserokê Giştî yê DEM Partiyê Tuncer Bakirhan li dijî tayînkirina qeyûm çû serdana esnafên Geverê û wiha got: “Ji îro û şûnde divê tu kurdên xwedî wijdan û birûmet ji pêşiya avahiya AKP’ê re jî derbas nbe. Heqaretê li we dikin, zimanê we, îradeya we tune dihesibînin.”
Îdianameya ku derbarê Hevserokên HDP’ê yên Îzmîrê Berna Çelîk û Çinar Altan ên di 9’ê cotmeha 2023’yan de li Îzmîrê hatibûn girtin bihinceta “bêpeywîriyê” ji aliyê 13’emîn û 2’yemîn Dadgehên Cezayên Giran ve nehate qebûlkirin. Li ser vê yekê dosya çûn Dadgeha Îstînafê. Îstînaf dê biryarê bide ku kîjan dadgeh dê li dosyayê binêre.”
Hevşaredarê Erxenî yê berê Ahmet Kaya tevî ku hatibû beraetkirin jî venegeriyabû ser wezîfeya xwe. Kaya got tiştên diqewimin ew wek “hiqûqa mêtingeriyê” pênase dikin û got: “Wîjdanê van nemaye. Li ber zilma van rabin.”
Kesê bi navê Îbrahîm Koçer li navçeya Bucayê hevjîna xwe Nûrtaç Koçer qetil kir.
Dîroktorê IHR’ê Mahmood Amiry-Moghaddam diyar kir ku biryara darvekirinê ya der barê girtî Hatem Ozdemîr de siyasî ye û ev ceza bi zexta civakî dikare bê rawestandin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 194 roj in li ber xwe didin.