DFG’ê rapora xwe ya meha gulanê eşkere kir. DFG’ê da zanîn ku 42 rojnameger girtî ne û bi xala “Sîxûrtiya bandorkirinê” ya paketa darazê ya 9’emîn re hewl tê dayîn ku rojnamegerî were dorpêçkirin.
Hevseroka Giştî ya DEM Partiyê Tulay Hatîmogûllari di bîranîna karsaz Savaş Buldan, Adnan Yildirim û Haci Karay de axivî û wiha got: “Niha li şûna Torosên spî, rejîma qeyûm hatiye bicihkirin.”
Parlamenterên CHP’ê bertek nîşanî tayînkirina qeyûm a li Şaredariya Colemêrgê dan û diyar kirin ku biryarekî siyasî ye.
Li Mêrsînê di serdagirtina malan de 12 kes hatin binçavkirin.
Li Almanyayê 95 kesên navdar ku bal kişandin ser tecrîda li ser Rêberê PKK’ê Abdullah Ocalan, name ji CPT re nivîsandin û wiha gotin: "Ji bo ku hevdîtin bi Birêz Ocalan re bê kirin û derbarê rewşa wî ya tenduristiyê agahî bê girtin, em daxwaz ji we dikin ku demildest şandeyekê bişînin Îmraliyê.”
Serokwekîla Koma DEM Partiyê Gulistan Kiliç Koçyîgît da zanîn ku li dijî tayînkirina qeyûm a li Şaredariya Colemêrgê dê li ber deriyê hemû şaredariyan dest bi çalakiya nobetê ya bênavber bikin.
Tayînkirina qeyûm a li Şaredariya Colemêrgê dê li gelek bajaran bê protestokirin.
Piştî tayînkirina qeyûm a li Şaredariya Colemêrgê, DEM Partî bi awayekî awarte dicive.
Wezareta Karên Hundir a hevşaredarê ku colemêrgiyan hilbijartibû ji wezîfeyê dûr xist, aşkere kir ku qeyûm tayînî şaredariyê hatiye kirin.
Parêzerê Hevşaredarê Colemêrgê Mehmet Siddik Akiş ê hate binçavkirin Azad Ozer, ev agahî parve kirin: “Lêpirsîneke nû heye. Li ser dosyayê biryara veşartî heye.”
DEM Partiyiyan bertek nîşanî polîsên Şaredariya Colemêrgê dorpêç kirin dan.
Hevserokên Giştî yên DEM Partiyê bertek nîşanî serdegirtina Şaredariya Colemêrgê dan û wiha gotin: “Em ê bi tu awayî serî li ber zîhniyeta qeyûm netewînin. Em dibêjin êdî bes e.”
Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî di roja 190’an de didome. Girtî, daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk dikin.
Fettah Erden di sala 1994’an de li Basayê tê binçavkirin û piştre tê windakirin û carek din xeber jê nayê girtin. Lêpirsîna ku têkildarî windakirina Erden de hat destpêkirin, bi parastina “min nebihîstiye û nayê bîra min” der barê leşkeran de bi biryara neşopandinê bi encam bû.
Dayika Kumrî Tokay a ku 190 roj in ji bo girtiyan di çalakiyê de ye, bêdengiya heyî rexne kir û ev bang kir: "Xweşî û aramî bi xwîn rijandinê çênabe. Daxwazên girtiyan pêk bînin."