Partiyên siyasî, bi boneya cejnê Navenda Giştî ya HDP'ê ziyaret kirin. Alîkarê Serokê Giştî yê CHP'ê Yildirim Kaya, di pîrozkirina cejnê de axivî û wiha got: "Ji bo ku em coşa cejnê bijîn, divê em dinava aştiyê de bin û bi heskirin hev hembêz bikin."
Hevserokê Giştî yê HDP’ê Sezaî Temellî, di xwarina fitarê ya partiya wî ji bo dayikên Laçik Sîp dayî de axivî û got: “Ji bo hevdîtina Îmraliyê gavek girîng hat dayîn, lê bes nîne.” Temellî bal kişand ser hilbijartina Stenbolê jî û wiha axivî: “A girîng berî pêşîn çûyîna ser sindoqane.”
Rêxistina HDP'ê, bi dirûşmeya “Em xwe bi rêxistin bikin bi hevre têbikoşin" li Manîsayê konferansên bajaran berdewam kir.
Hevberdevkê HDK'ê Sedat Şenoglû, anî ziman ku heta pirsgirêka kurd neyê çareserkirin wê li Tirkiyeyê tu pirsgirêk çareser nebin û ji bo pêşniyarên Rêberê PKK'ê Abdullah Ocalan jî got: "Ocalan, ji bo çareserkirina pirsgirêkên civakiyî pêşniyaran dike û muxatabiya wê ya polîtîk jî hildigire ser xwe. Ocalan, me hişyar dike û dibêje 'eger çareserî kûr nebe wê şer kûr bibe.'"
HDP'ê têkidlarî operasyona derveyî sînor daxuyaniyeke nivîskî da û ev tişt ragihand: "Çareseriya pirsgirêka kurd ne şer û êrîş in, pêşxistina bingeha 'lihevkirina civakî', diyalog û muzakereyên demokratîk in"
Serokê Fexrî yê HDP'ê Ertûgrûl Kurkçu, diyar kir ku gotina "lihvekirina civakiyî" ya Rêberê PKK'ê Abdullah Ocalan îfadeya biryardayîna bihevrebûnê ye û got: "'Lihevkirin' berdewamiya mantiqî ya 'nexşeya rê' ya Ocalan e."
Hevserokê Giştî yê DBP'ê Mehmet Arslan, bilêv kir ku bangawaziya Rêberê PKK'ê Abdullah Ocalan ji bo gelên Tirkiyeyê û îktîdarê şansek e û divê ev şans neyê hebakirin. Arslan, got: "Divê pêşaniya siyaseta kurd azadiya Ocalan be."
Hevseroka Giştî ya HDP’ê Pervîn Buldan, di civîna koma partiya xwe de axivî û got: “Divê tecrîda li Îmraliyê rabe û dest bi diyalogê bê kirin. Dawiya têkoşîna demokratîk, teqez dê bi muzakereyên demokratîke pêk were.
Nêçîrvan Berzanî bi 68 dengan ji bo Serokatiya Herêma Kurdistana Federe hat hilbijartin.
Serokwekîlê Koma HDP'ê Sarûhan Olûç têkildarî mijarên di rojevê de daxuyanî da û li ser pirseke têkildarî bidawîbûna çalakiya greva birçîbûne û hilbijartinên Stenbolê ev tişt got: "HDP ne partiyeke bazarên erxzan bike. Rewşeke ji jiyana çalakgeran girîngtir tuneye."
Hevserokên Giştî yên HDP'ê Pervîn Bûldan û Sezaî Temellî, diyar kirin ku berxwedana li dijî tecrîdê encam girt û gotin: "Biryardariya mezin da qezenc kirin."
Serokê Giştî yê TÎP'ê Erkan Baş, diyar kir ku di hilbijartina 31'ê Adarê de AKP têk çû û wê di hilbijartina 23'ê Hezîranê de jî têk biçe û wiha got: “Ji bo qadek berfireh bide dengê xwe bide Ekrem Îmamoglu emê xebatê bimeşînin."
Hevserokê Giştî yê HDP'ê Sezaî Temellî, di koma HDP'ê ya Meclîsê de axivî û bal kişan ser îşkenceya li gundên Xalfetiyê. Temellî, da zanîn ku salên 90'î li Xalfetiyê, li dijî dayikên li kolanan dubore dibe û wiha got: "Li Tirkiye siyaseta ku nayê guhertin îşkence û zilma li dijî gelê Kurd e." Temellî, bal kişand ser Îtîfaqa Demokrasiyê jî û wiha got: "Êdî dem dema îtîfaqa demokratîk e. Dem dema aştî, demokrasî, edalet û hiqûqê ye."
Berdevka Komîsyona Mafên Mirovan û Hiqûqê ya HDP’ê Ayşe Acar Başaran diyar kir ku li Xelfetiyê li dijî gel îşkenceya bi barbarî hatiye kirin û got: "Em barbariya ku li Xelfetiyê rû da ji nêz ve dişopînin. Ji bo kesên ku tev li vî sûcî bûne, polîs, tîmên taybet, leşker û yên ferman dane bên lêkolîn, em serî li saziyên dadgeriyê didin."
Hevserokê Rêxistina HDP'ê ya Amedê Zeyyad Ceylan, têkildarî êrîşa li ser çalakgerên ku ji bo tecrîdkirina Îmraliyê bi dawî bibe ketine greva birçîbûnê nirxand û wiha got: "Ev êrîş, hewldanên provokatif in. Em van êrîşan şermezar dikin. Em dipên ku vê kaosa civakî vegerînin aştiya civakî."