Meclîsa Tirkiye ku bi guhertina rêziknameya navxweyî ket betlana havînê, di 1'ê Cotmehê de dest bi salê dike. Di serdema nû de parlamenter dê nikaribin her tiştî li meclîsê biaxivin. Wekîl, ger ku gotinên li dijî rêziknameyê biaxivin dê rastî ceza bên.
8 sal di ser kuştina Ceylan Onkol a 12 salî re derbas bû. 8 sal derbas bûn, lê di milê darazê de der barê doza Onkal de tu pêşketin pêk nehatin. Tu berpirsiyarê kuştinê nehatin cezakirin. Malbata têkoşîna hiqûqê dide jî di bin zextan de dijîn.
Li Tirkiyê ji nava partiyan tenê HDP’ê piştgirî da referandûma serxwebûna Kurdistana Federe. HDP diyar kir ku divê Barzanî rûyê rast ê AKP’ê bibîne û got: “Êdî pêwîste Barzanî bêtir siyasetek û seknek netewî bide nîşandan.”
Endamê Rêvebir a Desteya TEVDEM'ê Aldar Xelîl, têkildarê hilbijarên Bakurê Sûriyeyê nirxandin kir û diyar kir ku serkeftina projeya Sûriyeya Demokratîk stratejiyek girînge.
Berdevkê Meclîsa Aştiyê ya Tirkiyeyê Hakan Tahmaz anî ziman ku sedema ku Tirkiye li Deriyê Sînor ê Xabûrê leşkeran bi cih dike ew e ku bes ji bo destûrê nede destketinên kurda û wiha got: “Tirkiye polîtîkaya dijberî kurdan ji kirasê polîtîkaya hundurîn derxist.”
Parlamenterên HDP’ê Mahmut Togrul û Meral Daniş Beştaş bertek nîşanî tezkereya operasyona derveyî sînor a sewqî meclise hat kirin dan û gotin: “Tirkiyeye naxwaze konekî kurdan jî hebe.”
Berdevkê HDP'ê Osman Baydemir, helwesta AKP û CHP'ê ya li diji referandumê rexne kir û diyar kir ku ew dê ji teskereya dervê sînor re bêjin na. Baydemîr, anî ziman ku çareseriya pirsgirêka kurd li DYA nayê gerîn, biçin li Îmraliyê bigerin.
Xebatên yekitiya neteweyî ya bi pêşengiya Kongreya Neteweyî ya Kurdistanê hatiye destpêkirin bi hemû leza xwe didome û ji bo gelê Kurd ji qirkirinê xilas bibe, yekitiya neteweyî tê ferzkirin.
Partiyên kurdan ên li Amedê bertek nîşanî amadekariya êrîşa li dijî Kurdistana Federe dan. Nûnerên partiyan bertekên li dijî referandûmê jî rexne kirin.
Piştî Herêma Federal a Kurdistanê biryara referandumê da, Tirkiyeyê got ku "Em ê deriyan bigirin", lê Tirkiye bi hezar û 500 fîrmayên xwe yên li başûrê Kurdistanê re xwedî rêjeya sedî 50 ya bazarê ye. Para herî mezin a îxracatê jî ji bajarên bi nijadperestiyê pesnên xwe didin re diçe.
Îktîdara AKP'ê bi dirêjkirina pêvajoya OHAL’ê bertekên li dijî xwe zêde dike. AKP li derve jî bi polîtîkayên nakok ên Navneteweyî ketiye nava grêka kor. Bi taybetî Tirkiye di NATO de cihê xwe winda kir, muzakereyên endamtiya NY'ê hatin rawestandin û firotina çekan hatin sekinandin. Razemeniyên aboriyê û geşedanên şerê navxweşî yên Sûriye siyaseta Enqereyê xetimand.
Hevberdevkê HDK’ê Onur Hamzaoglu got: “Hemû aliyên dixwazin li dijî faşîzmê têkoşînê bikin pêwîste şewqeya xwe deynin pêşiya xwe. Heta em têkoşînek seferberî daneynin pêşiya xwe dê muhalefeta Tirkiyê bi xetereya windakirinê re bijî.”
Rêvebera Buroya Jinê ya PYD'ê Beşîra Derwîş têkildarî tevlîbûna jinan a nava hilbijartinên komunan de axivî û wiha got: "Banga min ji tevahî jinên bakurê Sûriyê re heye ku rola xwe di hilbijartinan de bilîzin û dengê xwe bidin. Dayîna dengê xwe tê wateya ku jin li îradeya xwe xwedî derdikevin."
Hevberdevka HDK'ê Gulistan Kiliç Koçyîgît, diyar kir ku referandûm mafekî rewa ye, lê ji bo pirsgirêkên heyî nabe çareserî. Koçyîgit, anî ziman ku referandûma bi wate bi yekîtiya neteweya kurd pêk tê û watedar dibe.
WAN - Rêxistina HDP'ê ya Wanê li Parka Aştiyê ya Musa Anter, mîtînga Wijdan û Edaletê pêk anî. Gel li dijî faşîzmê hêrsa xwe anî ziman. Osman Baydemîr, anî ziman ku dê li şûna gora Dayika Aysel Tugluk Hatûn Tugluk a vala maye faşîzmê defin bikin. Besîme Konca jî anî ziman ku tu hêz nikare vîna gelê kurd bişkîne û cihê jin lê têbikoşin dê AKP têk biçe.