Girtiyên jin ên ku li Girtîgeha Evîn a Tehranê cezayên darvekirinê şermezar kirin bi êrişê re rû bi rû man. Hat ragihandin ku di êrişê de tevî girtiya siyasî ya kurd Werîşe Mûradî, xwediyê Xelata Nobelê Nergîs Muhammedî jî birîndar bûye.
Sînan Sutpak ê ev 31 sal in girtî ye û di Girtîgeha Tîpa T ya Yozgatê tê ragirtin. Berdana Sutpak ev cara 6’emîn e tê astengkirin.
Hat zanîn ku ji ber gefa êrişan ya li ser kampên koçberên êzidî yên li Dihokê, bi hezaran êzidî konên xwe berdane û berê xwe didin Şengalê. Rêveberiya Xweser ya Şengalê ji bo parastina civaka Êzidî, bang li hêzên ewlekariyê yên Iraqê kir daku mudaxileyî rewşê bikin.
Hat zanîn ku di operasyona leşkerî ya li bejahiya Elkê hatiye destpêkirin de 3 endamên HPG’ê û endameke YJA Starê jiyana xwe ji dest dane.
Rêveberiya Xweseriya Demokratîk a Bakur û Rojhilatê Sûriyeyê êrişa hêzên rejîma ya li dijî Dêrazorê şermezar kir û got ku ev êriş encama hevkariya rejîmê ya bi dewleta tirk re ye.
Hêzên rejîma Îranê li bajarê Baneyê êrişî kolberan kir. Di êrişê de 5 kolber birîndar bûn.
Balafirên şer ên Tirkiyeyê, gundên Guherzê û Kanî Belavê yên navçeya Amêdiyeyê bombebaran kirin.
Têkildarî rewşa Parlamenterê TÎP’ê yê Hatayê Can Atalay ku ji doza Geziyê ceza lê hatiye birîn, bang li Meclisê hat kirin ku di 16’ê tebaxê de awarte bicive.
Rêxistina Şopandina Mafên Mirovan û Komeleya Azadiya Xweîfadekirinê gotin ku astengkirina Instagramê binpêkirina mafê azadiya xweîfadekirinê ya bi milyonan bikarhinêran e.
Firat Darî yê ku li Girtîgeha Tîpa S a Kavakê girtî ye diyar kir ku ew 4-5 mehan li benda sewqa nexweşxaneyê dimînin.
Malbat û vasîsê Reberê PKK’ê Abdullah Ocalan, ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Li gorî daneyên OECD’ê li Tirkiyeyê 6 milyon û nîv zarok di nava feqîriya tundewar de ne û ji her pênc zarokan yek nikare xwe bigihîne xurekên xwe têrkirinê.
Duh bi şev li herêma Sefîneyê ya Çiyayê Cûdî şewat derketibû. Şewat hate vemirandin.
Hat destnîşankirin ku leşkerên Tirkiyeyê duh bi şev li gundê Xişxaşa girêdayî Herêma Berwarî, agir berdane zeviyê û piştre jî goristana gund şewitandine.
HSD’ê da zanîn ku di êrişa komên girêdayî Şamê ya li dijî Dêrazorê de 6 zarok 11 sivîl hatine qetilkirin.